Төрийн үйлчилгээний чанар, бүтээмжийг дээшлүүлэх зорилгын хүрээнд БХБЯ 2021 оны 11 дүгээр сараас Олон улсын “Чанарын менежментийн тогтолцоо ISO 9001:2015” стандартыг нэвтрүүлэх ажлыг эхлүүлсэн.
Өнөөдөр /2023.12.14/-ний өдөр тус яам Төрийн захиргааны төв байгууллагуудыг манлайлан түүчээлж Олон улсын “Чанарын менежментийн тогтолцооны стандарт ISO 9001:2015”-ыг нэвтрүүлэлтийн Гэрчилгээг гардан авлаа.
“SESBELL” Олон улсын стандартын аудитын байгууллагаас баталгаажуулсан тус Гэрчилгээг Засгийн газрын Хэрэг эрхлэх газрын дэд дарга У.Бямбасүрэн, Засгийн газрын референт Д.Ганбат нар БХБЯ-ны Төрийн нарийн бичгийн даргын албан үүргийг түр орлон гүйцэтгэгч Ц.Баярбатад гардуулан өгч, тус яамны нийт хамт олонд баяр хүргэж, амжилт хүслээ.
Засгийн газрын Хэрэг эрхлэх газрын дэд дарга У.Бямбасүрэн Төрийн захиргааны төв байгууллагуудаас Олон улсын чанарын стандартыг нэвтрүүлж байгаа анхдагчдын нэг нь Барилга, хот байгуулалтын яам болж байгааг онцлон цаашид Төрийн бүхий л байгууллагууд үйл ажиллагаандаа энэхүү стандартыг нэвтрүүлж, чанартай, хүртээмжтэй, хүнд сурталгүй үйлчилгээ үзүүлж, тасралтгүй сайжруулалт хийж, иргэдийн сэтгэл ханамжийг дээшлүүлэх нь чухал болохыг тэмдэглэв.
Барилга, хот байгуулалтын яамны үйл ажиллагаанд “ISO 9001:2015” стандартыг нэвтрүүлэх ажил 2 жилийн хугацаанд үргэлжилсэн, тус хугацаанд бэрхшээлтэй асуудлууд тулгарч байсан ч Төлөвлөх-Гүйцэтгэх-Шалган нягтлах-Сайжруулах гэсэн 4 үе шатны дагуу стандартыг нэвтрүүлж алдаа, дутагдал, сул тал, сөрөг нөлөөллийг бууруулах чиглэлээр байнгын сайжруулалт хийж ажилласны үр дүнд өнөөдөр ийнхүү баталгаажуулалтын Гэрчилгээг гардан авч байгаагаа тус яамны Төрийн нарийн бичгийн даргын албан үүргийг түр орлон гүйцэтгэгч Ц.Баярбат онцлов.
Олон улсын чанарын менежментийн тогтолцоотой Төрийн байгууллагууд бий болсноор Улс орны хөгжлийн чанар дээшилж хурдасдаг болохыг “Глобал куалити” ХХК, “Sesbell” олон улсын стандартын аудитын итгэмжлэгдсэн байгууллагын төлөөллүүд тэмдэглэж байлаа.
Барилга, хот байгуулалтын яамны хувьд Олон улсын чанарын менежментийг тогтолцоог нэвтрүүлж, тус стандартад нийцүүлэн Алсын хараа, Эрхэм зорилгоо тодорхойлон ажиллаж байна.
More from Улс төр
ГАДААД УЛСЫН ЭЛЧИН САЙД НАР БОЛОН ОЛОН УЛСЫН БАЙГУУЛЛАГЫН ТӨЛӨӨЛЛҮҮД МОНГОЛ ДЭЭЛЭЭР ГОЁЖЭЭ
XVII жарны “Хилэнт эх” хэмээх Модон луу жилийн сар шинийн баярыг тохиолдуулан гадаад улсаас Монгол Улсад суугаа дипломат төлөөлөгчийн газар, …
Ш.АДЬШАА: “МoЭнКо” ХХК-ИЙН ХЭЛЭЛЦҮҮЛГИЙН ӨМНӨ ХУДАЛ ТАШАА МЭДЭЭЛЭЛ ТАРААЖ, НЭР ХҮНДЭД ХАЛДАЖ ЭХЭЛЛЭЭ
Ховд аймгийн Булган сумын нутаг, Хөшөөтийн коксжих нүүрсний бүлэг ордын лицензийг эзэмшин үйл ажиллагаа явуулдаг "МоЭнКо” компанийн Ховд аймагтай байгуулсан …
НҮБ-ЫН “ДААЛГАВАР”-ЫГ АМЖИЛТТАЙ БИЕЛҮҮЛСЭН ГИШҮҮН С.ОДОНТУЯА
УИХ-ын дэд дарга С.Одонтуяаг НҮБ-ын даалгаврыг биелүүлсэн гишүүн хэмээн тодотгох болжээ. Учир нь хоёр жилийн өмнө НҮБ-ын Дур зоргоор саатуулах асуудал …