10-16 насныхан, Хосоо олъё, Зугаатай залуус грүппүүдээс хохирогчид “төрж” байна!!!

Эрүүгийн цагдаагийн албаны Кибер гэмт хэрэгтэй тэмцэх хэлтсийн алба хаагчид өнөөдөр /2018.08.10/ Фейсбүүк орчинд хуурамч хаягаар олон тооны насанд хүрээгүй охидтой харилцаж, хуурч мэхлэх замаар нүцгэн зургийг нь авдаг этгээдийг илрүүлэн шалгалтын ажиллагаа явуулж эхэллээ. 

Уг этгээд нь фейсбүүкийн “10-16 насныхан”, “Хосоо олъё”, “Зугаатай залуус” гэх мэт олон гишүүнтэй группуудэд нэвтэрч, өөр хүний зураг, нэрийг ашиглан өөрийгөө 16 настай гэж бусдад танилцуулж 13-14 насны 300 орчим хүүхэдтэй тогтмол мессэж бичиж, харилцаж байсан ба 4 хүүхдээс цээж нүцгэн зургийг нь авсан талаараа урьдчилсан байдлаар мэдүүлээд байна. 

Хэрэгт холбогдон шалгагдаж байгаа этгээд нь Сүхбаатар дүүргийн 14 дүгээр хороонд оршин суух хаягтай тодорхой эрхэлсэн ажил мэргэжилгүй, 21 настай эрэгтэй аж.

Тиймээс өсвөр үеийн охид хөвгүүд, залуус сэрэмжтэй байж, цахим гэмт хэргийн золиос болохгүй байхыг анхааруулж байна.

Д.Дуулим