Эрүүл мэндийн даатгалын ерөнхий газар бусад улс орны эрүүл мэндийн салбар, тэр дундаа ЭМД-ын үйлчилгээний талаарх бодлого, зохицуулалтыг судлах, эх орондоо нутагшуулах чиглэлд анхаарч долоо хоног бүр олон сургалтыг зохион байгуулдаг.
Энэ долоо хоногийн сургалтыг БНСУ-ын Сөүлийн их сургуулийн Эрүүл мэндийн эдийн засгийн Профессор Сүүнмэн Квон удирдан явуулж “Эрүүл мэндийн тусламж, үйлчилгээний стратегийн худалдан авалт” сэдвийн хүрээнд цахим илтгэж тавилаа.
Түүнчлэн сургалтыг нээж ЭМДЕГ-ын дарга Л.Бямбасүрэн үг хэлэхдээ “Монгол улсын хувьд эрүүл мэндийн даатгалын салбар стратегийн худалдан авагчийн тогтолцоонд шилжээд удаагүй байгаа. Эрүүл мэндийн салбар өндөр хөгжсөн БНСУ-ын туршлагаас судалж, өөрсдийн орны давуу болон сул талуудад дүн шинжилгээ хийх, цаашид сайжруулах чиглэлд санал, санаачлагууд гарна гэж итгэж байна.” гэсэн юм.
Сургалтад ЭМЯ, ЭМДЕГ-ын удирдлага, төв болон орон нутгийн 150 гаруй албан хаагч оролцож, эрүүл мэндийн үйлчилгээний стратегийн худалдан авалт, гэрээлэлт, төлбөрийн систем зэрэг хоёр улсын хоорондын даатгалын системийн ялгаа, давуу талуудын талаар ярилцаж, санал бодлоо солилцож байна.
More from Эрүүл мэнд
ЭМЧ Т.НАВЧАА: COVID-19-ЫН ХАЛДВАРЫН ШИНЭ ТОХИОЛДЛУУД ХҮҮХДҮҮДЭД ЛАРИНГИТААР ИЛЭРЧ БАЙНА
ЭМЯ-наас томуу, томуу төст өвчний талаар мэдээлэл өгсөн. Энэ үеэр, Анагаах ухааны доктор Т.Навчаа мэдээлэл өглөө. Тэрбээр, COVID-19-ын халдварын шинэ …
СОНГИНОХАЙРХАН ДҮҮРГИЙН ЭРҮҮЛ МЭНДИЙН ТӨВ МЭС ЗАСАЛ, ГЭМТЛИЙН ТАСГААР ҮЙЛ АЖИЛЛАГААГАА НЭМЭВ
Сонгинохайрхан дүүргийн “Эрүүл мэндийн төв” мэс засал, гэмтлийн тасгаар үйл ажиллагаагаа нэмлээ. Дүүргийн “Эрүүл мэндийн төв” нь иргэдэд чанартай, хүртээмжтэй …
СОНГИНОХАЙРХАН ДҮҮРГИЙН ӨРХИЙН ЭРҮҮЛ МЭНДИЙН ТӨВҮҮД ISO 9001:2015 ОЛОН УЛСЫН ЧАНАРЫН СТАНДАРТЫГ НЭВТРҮҮЛЖ ЭХЭЛЛЭЭ
Дүүргийн 12,13-р хорооны хүн амд эрүүл мэндийн анхан шатны тусламж, үйлчилгээг үзүүлж байгаа “Алтанцэгцүүхэй” ӨЭМТ нь Холбооны Бүгд Найрамдах Герман …
