С.ОДОНТУЯАГИЙН САНААЧИЛСАН "ХАВДРЫН ЭСРЭГ ДОВТОЛГООН" АЯН ҮРГЭЛЖИЛЖ БАЙНА

УИХ-ын гишүүн С.Одонтуяагийн санаачилгаар 2019 оноос хойш “Хавдрын эсрэг довтолгоон” аяныг БГД-т хэрэгжүүлж байгаа. Аяны хүрээнд хөхний хорт хавдрын эрт үеийн илрүүлэг болон ЭМД-ын багц хуулийн өөрчлөлтүүдийн талаарх уулзалт сургалтыг өнөөдөр БГД-ийн 6,7 дугаар хорооны иргэдийн дунд зохион байгуулжээ.

Энэ талаар УИХ-ын гишүүн С.Одонтуяа нүүр номоороо дамжуулж ” Иргэдэд мэдээ мэдээллийг багцлан Баянгол дүүргийн 10.000 гаруй өрхөд үнэ төлбөргүй гурван цуврал ном, танилцуулга, шээсний индикатор, давсны хэмжээтэй халбага зэргийг 2019 онд хүргэн аянаа эхлүүлж байсан. Харин УИХ-ын гишүүнээр сонгогдон ажиллах болсноор эрүүл мэндийн салбарт илүү олон хөрөнгө оруулалт, хуульд нэмэлт өөрчлөлт оруулах зэргээр ажиллаж байна.

Энэхүү аяны 2-р шат буюу “ЭРҮҮЛ МӨӨМ” төслийн хүрээнд Баянгол дүүргийн иргэдэд урьдчилан сэргийлэх мэдээлэл, сургалтыг зохион байгуулж иргэдийнхээ эрүүл мэндийн боловсролыг дээшлүүлж хорт хавдрыг эрт үед нь илрүүлэх үзлэг оношилгоог үе шаттайгаар эхлүүлэхээр бэлтгэл ажлууд эхлээд байна. Энэ хөтөлбөр нь хуваарийн дагуу хороодод хөхний хорт хавдарын эрт илрүүлгийн явуулын эхо аппратаар, мэргэжлийн эмч үзлэг хийж, оношлох юм. Ингэснээр эмнэлгийн тусламж үйлчилгээг иргэдэд ойртуулж, цаг, мөнгийг нь хэмнэж, болзошгүй эрсдэлээс хамгаалсан жишиг ажил болно гэдэгт итгэж байна” гэжээ.