Данийн эрдэмтэд функционал соронзон томографын тусламжтайгаар кофенд дурлагсад болон энэ ундааг огт уудаггүй хүмүүсийн тархины үйл ажиллагаа кофены нөлөөгөөр хэрхэн өөрчлөгддөгийг судалжээ. Судалгааны үр дүнг шинжлэх ухааны “Molecular Psychiatry” сэтгүүлд нийтэлсэн байна.
Судалгаанд нийт 55 хүн оролцсоноос 31 нь кофенд дурлагсад 24 нь огт уудаггүй хүмүүс байжээ. Эрдэмтэд функциональ соронзон резонансын дүрслэлийг (fMRI) ашиглан тархины үйл ажиллагааг тайван, тодорхой даалгавар гүйцэтгэх үед болон аяга кофе уусны дараах гэсэн гурван төлөв байдалд судалсан байна. Судлаачид мөн оролцогчдын сэтгэлийн хямрал, түгшүүр, бухимдлын түвшнийг үнэлжээ.
Кофенд дурлагсдын тархины зарим хэсгүүдийн хоорондох функционал холболт бага байгааг fMRI-ийн өгөгдөлд хийсэн дүн шинжилгээ харуулсан байна. Эдгээр нь хөдөлгөөн, сэтгэл хөдлөлийг хянах үүрэгтэй хэсгүүд аж. Өөрөөр хэлбэл эрдэмтэд судалгаагаараа кофе уудаг хүмүүс анхаарлаа сайн төвлөрүүлж, хөдөлгөөнөө илүү сайн хянадаг гэдэг дүгнэлтийг хийжээ. Ийм нөлөө кофе огт уудаггүй хүмүүст аяга кофе уусны дараа удалгүй ажиглагдсан байна.
Гэхдээ кофенд дурлагсад үе үе стресст автаж, эрэгтэйчүүдэд нь сэтгэлийн түгшүүр нэмэгдэж байгсныг судлаачид анзаарчээ.
More from Эрүүл мэнд
ЭМЧ Т.НАВЧАА: COVID-19-ЫН ХАЛДВАРЫН ШИНЭ ТОХИОЛДЛУУД ХҮҮХДҮҮДЭД ЛАРИНГИТААР ИЛЭРЧ БАЙНА
ЭМЯ-наас томуу, томуу төст өвчний талаар мэдээлэл өгсөн. Энэ үеэр, Анагаах ухааны доктор Т.Навчаа мэдээлэл өглөө. Тэрбээр, COVID-19-ын халдварын шинэ …
СОНГИНОХАЙРХАН ДҮҮРГИЙН ЭРҮҮЛ МЭНДИЙН ТӨВ МЭС ЗАСАЛ, ГЭМТЛИЙН ТАСГААР ҮЙЛ АЖИЛЛАГААГАА НЭМЭВ
Сонгинохайрхан дүүргийн “Эрүүл мэндийн төв” мэс засал, гэмтлийн тасгаар үйл ажиллагаагаа нэмлээ. Дүүргийн “Эрүүл мэндийн төв” нь иргэдэд чанартай, хүртээмжтэй …
СОНГИНОХАЙРХАН ДҮҮРГИЙН ӨРХИЙН ЭРҮҮЛ МЭНДИЙН ТӨВҮҮД ISO 9001:2015 ОЛОН УЛСЫН ЧАНАРЫН СТАНДАРТЫГ НЭВТРҮҮЛЖ ЭХЭЛЛЭЭ
Дүүргийн 12,13-р хорооны хүн амд эрүүл мэндийн анхан шатны тусламж, үйлчилгээг үзүүлж байгаа “Алтанцэгцүүхэй” ӨЭМТ нь Холбооны Бүгд Найрамдах Герман …
