Д.Сумъяабазар: Хуулийн байгууллагатай хамтарч хууль бус ашигт малтмал олборлолттой тэмцэнэ

Яг одоо “Ил тод хариуцлагатай уул уурхай” хэвлэлийн хурал болж байна. Хурлын үеэр сайд  Д.Сумъяабазар сэтгүүлчдийн асуултанд  хариуллаа. -Хууль бус лиценз дээр хууль хяналтын газартай хамтарч ажиллана гэж мэдэгдэж байсан. Энэ дагуу ямар ажил өрнөж байна? -Хууль бус лицензийн эсрэг олон ажил хийгдэж байгаа. Тусгай зөвшөөрөл хууль бус уу, хуулийн хүрээнд үү гэдгийг манай мэргэжлийн хүмүүс гаргаж ирнэ. Мөн хууль бусаар ашигт малтмал олборлож байгаа хүмүүст хэрхэн яаж хариуцлага тооцох вэ гэдэг дээр хууль, журам боловсруулаад явж байна. Гэхдээ энэ маш олон хүнийг хамарсан зүйл болохоор би эндээс нэг мэдэгдэл хийгээд яваад байх зохимжгүй. Ямартаа ч Цагдаагийн ерөнхий газартай хамтарч ажлын хэсэг байгуулж хууль бус ашигт малтмал олборлож байгаа хүмүүстээ хуулийн дагуу тэмцээд явна. -“Оюутолгой” компанид Татварын ерөнхий газраас акт тавьсан. Үүн дээр салбарын сайдын хувьд мэдээлэл өгөхгүй юу? - Мэдээж том төслүүд жижиг асуудлыг байнга дагуулж явдаг. “Оюутолгой”-н төсөл гадны биш Монголын төсөл. Цаашдын үйл ажиллагааг нь тунгалаг, амжилттай явуулаасай гэж хүсч байна. Үүнийг битгий улс төржүүлээсэй. Хэвлэлийн хурал үргэлжилж байна.