Н.Төгсцогтын “нэрийн хуудас”

Олимп, ДАШТ-ий мөнгөн медальт, гавьяат тамирчин, мэргэжлийн боксчин “Хаан туг” хочит Н.Төгсцогтын Доминиканы боксчин Клаудио Маррейротой хийх тулаан спорт сонирхогчдыг донсолгож чадсан юм.

АНУ-ын Нью-Йорк хотын “Barclays center”-т болсон уг тулаанд Н.Төгсцогт илт давуугаар ялж монгол түмнээ баярлуулахын зэрэгцээ, Клаудиог буулгаж авснаар мэргэжлийн боксын IBO холбооны аварга болоод удаагүй байна. Мөн дараагийн тулаанаа WBC холбооны аваргатай дэлхийн аваргын бүсний төлөө хийх эрхтэй болсоныг дуулгахад таатай байна.

Сонирхогчийн бокст өсвөр наснаасаа өөрийн нэрээ тод үлдээж, 130 орчим тулаан хийсэн King Tug буюу Н.Төгсцогтын фанатууд тулааны үеэр түүний нэртэй хувцсаар имижээ бүрдүүлж, ёстой л дэмжсэн шиг дэмжиж байв.

Түүний фудволкийг “Golden east Mongolia” LLC урлаж, өмсгөл дээр нь багшийг нь алдаршуулж өгсөн нь дэлхийн спорт сонирхогчдын сонирхлыг ихэд татав.

Үүнийг дагаад “King tug”-ийн өмсгөл, хувцас, малгай тэргүүтнүүд зах зээлийн борлуулалтыг эвдэх нь. Цаана чинь. Магадгүй Nice, Adidas гэдэг шиг King tug гэх спорт хувцасны монгол брэнд гарч ирэх ч юм билүү.