Ашигт малтмал, газрын тосны газарт БНСУ-ын Олон Улсын Хамтын ажиллагааны байгууллагын (КОЙКА) буцалтгүй тусламжаар “Монгол улсын агаарын чанарыг сайжруулах хүрээнд эрчим хүчний эх үүсвэрийн чанарын удирдлагын тогтолцоог бэхжүүлэх нь” төсөл (2021-2025) хэрэгжиж байна.
Монгол Улсын Уул уурхай, хүнд үйлдвэрийн яам /хуучнаар/, Сангийн яам болон БНСУ-ын Олон Улсын Хамтын ажиллагааны байгууллага (КОЙКА) 2021 оны долдугаар сарын 09-ний өдөр хэлэлцээрийн протоколд гарын үсэг зурснаар 4,5 сая ам.долларын өртөг бүхий тус төсөл хэрэгжиж эхэлсэн юм.
Төслийн хүрээнд Ашигт малтмал, газрын тосны газар, БНСУ-ын Газрын тосны чанар хангамжийн газар (К-Петро) хамтран газрын тосны бүтээгдэхүүний чанар, хангамж, хяналтын тогтолцоог сайжруулах, мэдээллийн нэгдсэн систем бүрдүүлэх ажлыг хийж гүйцэтгэж байна. Мөн БНСУ-ын Уул уурхайн нөхөн сэргээлт, ашигт малтмалын корпорац (КОМИР) сайжруулсан шахмал түлшнээс дээж авах Монгол улсын үндэсний стандартын төслийг боловсруулахын зэрэгцээ лабораторын мэргэжилтнүүдийн чадавхжуулах үе шаттай сургалтуудыг зохион байгуулаад байна.
Төслийн явц 90 орчим хувьтай хэрэгжиж байгаа бөгөөд АМГТГ-ын харьяа Уул уурхай, газрын тосны төв лабораторийг олон улсын стандартад нийцүүлж, техникийн чадавхыг нэмэгдүүлэх зорилтын дагуу барилгыг иж бүрэн засварлаж, лабораторийн шинжилгээний хамгийн сүүлийн үеийн багаж, тоног төхөөрөмжүүдийг нийлүүлэн угсарч, ашиглалтад хүлээлгэн өглөө.
More from Уул уурхай
С.БАЯР: ГАДААДЫН ХӨРӨНГӨ ОРУУЛАЛТЫГ ТАТАЖ, УЛС ОРНЫГ ХӨГЖҮҮЛЬЕ ГЭВЭЛ УРАН, ГАЗРЫН ХОВОР ЭЛЕМЕНТ 2 ТӨСЛӨӨ УРАГШУУЛАХ ХЭРЭГТЭЙ
С.БАЯР: ГАДААДЫН ХӨРӨНГӨ ОРУУЛАЛТЫГ ТАТАЖ, УЛС ОРНЫГ ХӨГЖҮҮЛЬЕ ГЭВЭЛ УРАН, ГАЗРЫН ХОВОР ЭЛЕМЕНТ 2 ТӨСЛӨӨ УРАГШУУЛАХ ХЭРЭГТЭЙ
Б.ПҮРЭВДОРЖ: “ЗӨӨВЧ ОВОО” ТӨСЛИЙН ТУЗ-Д МОНГОЛ ТАЛААС ТӨЛӨӨЛӨХ ХҮН ХОРИГ ТАВИХ БҮРЭН ЭРХТЭЙ
УИХ-ын гишүүн Б.Пүрэвдорж "Зөөвч овоо" төслийн төлөөлөн удирдах зөвлөлд монгол талаас төлөөлөх хүн хориг тавих бүрэн эрхтэй.
С.БАЯР: “ОЮУ-ТОЛГОЙ” ТӨСЛИЙН ГОЛ АЛДАА 34% БАЙСАН
С.Баяр: "Оюу-Толгой" төслийн гол алдаа 34 хувь байсан. Үүнийг ураны төсөл дээр давтаагүй нь маш сайн.
