Өнөөдөр болох зарим үйл явдлаас

-“МАА-н технологийн шинэчлэл” олон улсын бага хурал Монголын мал аж ахуйн салбарт тулгамдаж буй нэн тэргүүний асуудал болох эрчимт тэжээлийн аж ахуйд суурилсан мал аж ахуй, махны экспортын эрүүл бүс байгуулах чиглэлээр өнөөдөр 09-13 цагт Blue Sky зочид буудлын Diamond Hall танхимд олон улсын бага хурал болно. Бага хурлыг ХХААХҮЯ-ны оролцоотойгоор Америк - Монголын хамтарсан Jarvis Mongolia (Жарвис Монгол), Хятадын Huawei (Хуавей), Монголын Аригү Гроү компаниуд хамтран зохион байгуулж, дотоод, гадаадын ХАА-н болон бизнесийн салбарынхан оролцох юм.

11.00 -Өнөөдөр АТГ Олон нийтийн төвд 6 дугаар сард хийсэн ажлынхаа талаар мэдээлнэ. Хэвлэлийн хуралд АТГ-ын Мөрдөн шалгах хэлтсийн дарга Э.Идэрцог оролцоно.

-'Ази бүсийн эмэгтэйчүүдийн сангуудын ээлжит уулзалт” Best Western Premier Tuushin Hotel-д болно.

-Эрчим хүчний салбарын удирдах ажилтны зөвлөгөөн Корпорэйт зочид буудалд болно. Зөвлөгөөнд олон чухал асуудал яригдахаас гадна Үндэсний аудитын газар, АТГ-аас удирдах албан тушаалтнууд хүрэлцэн ирж салбарын нөхцөл байдлын талаар илтгэл тавина.

-Үндэсний мэдээллийн төвд УИХ-ын гишүүн Л.Оюун-Эрдэнэ иргэдийг гэмт хэрэгтэн болгох гэж байгаа талаар иргэдийн төлөөлөл мэдээлэл хийнэ.

-“Тогтвортой хөгжлийн зорилго: Жендер ба хөгжил” олон улсын бага хурлыг Монгол Улсын Ерөнхий сайд, Жендерийн үндэсний хорооны даргын ивээл дор Улаанбаатарт анх удаа зохион байгуулах талаар Хэвлэлийн хүрээлэнд мэдээлэл хийнэ.

11.30 - Сэтгэцийн эрүүл мэндийн үндэсний төвөөс олон улсын мансуурлын эсрэг өдөрт зориулж Монгол ньюс мэдээллийн төвд хэвлэлийн бага хурал зарлалаа.

12.00 -Захиргааны ерөнхий хуулийг дордуулсан нэмэлт, өөрчлөлт оруулахыг Монголын Иргэний нийгмийн байгууллагууд эсэргүүцэж, Хэвлэлийн хүрээлэнд мэдээлэл хийнэ.