3х3 ДАШТ-д Ази тивээ төлөөлсөн Монгол сагсчид өнөөдөр эх орондоо ирнэ

Олон улсын сагсан бөмбөгийн холбооноос /FIBA/ зохион байгуулсан 3х3 ДАШТ Филиппин улсын Манила хотод болж өндөрлөсөн билээ.

Тэмцээний эрэгтэйчүүдийн ангилалд шилдэг 20 баг оролцсоноос Монгол Улсын шигшээ баг ОХУ, Бразил, Канад, Филиппиний багтай “С” хэсэгт багтсан.

“FIBA 3x3” Дэлхийн аварга шалгаруулах тэмцээнд эх орноо төлөөлөн оролцсон манай шигшээ баг ОХУ, Филиппин, Бразил улсын багийг хожин хэсгээсээ шалгарч, улмаар хасагдах шатанд Ази тивээ төлөөлсөн цор ганц баг болж, Монгол гэсэн нэрийг Дэлхийн 3x3 сагсан бөмбөгийн түүхэнд анх удаа гаргасан юм.

Монгол Улсын шигшээ багийн тамирчид одоогийн байдлаар дэлхийд эрэмбээрээ:

•  Готовын Цэнгүүнбаяр,
•  Даваасамбуугийн Дэлгэрням,
• Энхтайваны Цэрэнбаатар дугаарт Энхбатын Дөлгөөн нар тус тус бичигдэж байна. 

Манай багийг буулгаж авсан Сербийн шигшээ баг нь дэлхийд багийн эрэмбээрээ №1-т, тамирчин тус бүрийн эрэмбээрээ эхний 4-т бичигдэж буй. Тэд манай шигшээ багийн эсрэг маш нягт хамгаалалт хийн бүхнээ шавхаж тоглосныг үзэгчид харсан байх.