Баянзүрх дүүрэг төр хувийн хэвшлийн хамтын ажиллагааг өргөжүүлэх чиглэлээр салбар бүрд манлайлан ажиллаж байгаа. Энэ удаа жижиг дунд үйлдвэрлэл эрхлэгчдийг дэмжих зорилгоор “Нэг Зүрх Манлайлал” холбоо /ГҮТББ/-той хамтран ажиллах Санамж бичиг байгууллаа. Засаг дарга Г.Жаргалсайхан болон “Нэг Зүрх Манлайлал” холбооны Гүйцэтгэх захирал О.Золзаяа нар Санамж бичигт гарын үсэг зурсан.
Энэ үеэрээ Засаг дарга Г.Жаргалсайхан “Жижиг дунд үйлдвэрийн салбараа хөгжүүлэхэд чиглэсэн алсын хараа, бодлогын түвшинд арга хэмжээ авч, хэрэгжүүлж ажиллаж байгаа тул Баянзүрх дүүргийн Жижиг дунд үйлдвэрлэл эрхлэгчид нэгдэн нийлээд нэг бодлогоор хамтран ажиллаж цаашдаа цар хүрээг тэлэн хамтдаа хөгжих нь чухал” хэмээн хэлсэн.
Санамж бичгийн хүрээнд төрийн үйлчилгээг Баянзүрх дүүргийн Жижиг дунд үйлдвэрлэл эрхлэгчдэдээ бүрэн таниулах, Төр болон хувийн хэвшлийн хамтын ажиллагааг өргөжүүлж гүүр болж ажиллах нь нэн тэргүүний ажил хэмээн талууд үзэж байна. Иймд хамтын ажиллагаагаа нягтруулж төрийн байгууллагын дэмжлэг туслалцаатайгаар ЖДҮ эрхлэгчдийг ажлын байраар хангах, борлуулалтын орлогыг нэмэгдүүлэх зэрэг ажлуудыг зохион байгуулан хэрэгжүүлж буй тул Баянзүрх дүүргийн ЖДҮ эрхлэгчид холбоондоо нэгдэж, илүү олуулаа болж, хамтдаа хөгжихийг уриалсан юм хэмээн Баянзүрх дүүргээс мэдээллээ.
More from Нийгэм
ГАМШГИЙН ЭРСДЭЛИЙГ БУУРУУЛАХАД БНСУ-ЫН ҮНДЭСНИЙ АВРАХ АЛБАТАЙ ХАМТРАН АЖИЛЛАНА
Баянзүрх дүүргийн Гамшгийн эрсдэлийг бууруулах орон нутгийн зөвлөл гадаад хамтын ажиллагаагаа өргөжүүлэн тэлж БНСУ-ын Үндэсний аврах албатай хамтран ажиллахаар боллоо. …
“НОГООН ГЭРЭЛ-ЦАГААН ШУГАМ” АРГА ХЭМЖЭЭНИЙ ШИЛДГҮҮДЭД ШАГНАЛ ГАРДУУЛАХ АРГА ХЭМЖЭЭ БОЛЛОО
Баянзүрх дүүргийн Ерөнхий боловсролын сургуулийн бага ангийн сурагчдын дунд замын хөдөлгөөний дүрмийн мэдлэг олгох “Ногоон гэрэл-Цагаан шугам” тэмцээнийг зохион байгуулдаг. …
УРД ШӨНӨ ОРСОН ЦАСНААС ҮҮДЭН ХАЛТИРГАА ГУЛГАА ҮҮСЭХЭЭС СЭРГИЙЛЭН АЖИЛЛАЖ БАЙНА
Нийтийн эзэмшлийн зам талбайн цэвэрлэгээний 6 байгууллага 28 техник хэрэгсэл, 260 хүний бүрэлдэхүүнтэй бэлэн байдлыг ханган ажиллаж авто замын зорчих …
