Хоёр Солонгосын удирдагчид өчигдөр хоёр дахь удаагаа уулзжээ

Өмнөд Солонгосын ерөнхийлөгч Мүүн Жэ Ин, Хойд Солонгосын удирдагч Ким Жон Ун нар өнөөдөр хилийн Панмунжом тосгонд уулзаж, удахгүй болох АНУ-Хойд Солонгосын дээд хэмжээний уулзалтын талаар ярилцжээ. Ингэхдээ Мүүн Жэ Ин хил давж, Панмунжомын Хойд Солонгосын хэсэгт очиж уулзсан байна.

Тэд дөрөвдүгээр сарын 27-нд Өмнөд Солонгосын талд анх удаа уулзаж байсан юм. Ийнхүү нэг сарын дотор хоёр Солонгосын төрийн тэргүүнүүд хоёр дахь удаагаа уулзлаа.

Гэнэтийн уулзалт орон нутгийн цагаар 15:00-17:00 цагийн хооронд үргэлжилсэн тухай Хөх ордны захиргаа мэдээлсэн байна.

Уулзалтын үр дүнг Мүүн Жэ Ин маргааш өглөө 10:00 цагт (Улаанбаатарын цагаар 09:00 цагт) зарлахаар болжээ.

Пүрэв гарагт АНУ-ын ерөнхийлөгч Дональд Трамп ирэх сарын 12-нд Сингапурт болохоор төлөвлөгдсөн уулзалтыг цуцалж байгаагаа мэдэгдсэн.

Тэгвэл үүнээс 24 цагийн дараа тэр уулзалт төлөвлөсөн хугацаандаа болж магадгүй байгааг дахин зарласан юм.

Маргааш Мүүн Жэ Ин уулзалтын тов хэвээр хадгалагдах, эсвэл дахин өөр өдөр товлогдсоныг зарлах бололтой.

Эх сурвалж: Yonhap News, The Guardian