“Miss Earth 2023” тэмцээнд Монгол Улсыг төлөөлөн үндэсний ялагч Батжаргалын Мөнхчимэг оролцохоор сонгогдсон билээ. Дэлхийн дулаарлын эсрэг эх орноо төлөөлөн өөрийн дуу хоолойгоо өргөж буй Б.Мөнхчимэг нь 2018 оны Монголын тэргүүн мисс юм.
Тэрээр “химийн инженер” мэргэжилтэй, 24 настай, ШМТК сургуулийн багш, “Андра Академи”-ийн Гүйцэтгэх захирал, хувь хүний хөгжлийн мэргэжлийн сургагч багшаар ажилладаг. Өмнө нь “Мисс Интернэшнл 2018”, “Мисс Туризм Ворлд 2019” зэрэг олон улсын миссийн тэмцээнүүдэд оролцож байсан туршлагатай.
“Эх дэлхийн мисс” тэмцээн нь жил бүр зохиогддог олон улсын гоо бүсгүй шалгаруулах тэмцээн бөгөөд байгаль орчны асуудлыг сурталчлах зорилготой, Дэлхийд эрэмбээрээ топ дөрөвт жагсдаг тэмцээн юм. “Miss Earth” тэмцээний ач холбогдол нь байгаль орчны талаарх бүх нийтийн боловсролыг нэмэгдүүлэх, тогтвортой хөгжил, эх дэлхийн дулаарлын эсрэг хүн төрөлхтний хийх үйлсийг сурталчлах, байгальд ээлтэй санаачилгыг нийгэмд өгөхөд оршдог.
Тэмцээнд оролцогчдыг зөвхөн гоо үзэсгэлэнгээр нь дүгнээд зогсохгүй байгаль орчныг хамгаалах мэдлэг, хэрэгжүүлсэн байгаль орчны төслүүд, манлайллын үлгэр жишээт байдлаар нь үнэлдэг. Дэлхийн 100 гаруй улсын төлөөлөл оролцдог, байгаль орчны талаархи мессежийг дэлхийн хэмжээнд түгээх боломжийг олгодогоороо бусад миссийн тэмцээнээс ялгаатай. Уралдаанд оролцогчид ихэвчлэн мод тарих, хог хаягдлын менежментийн санаачилга, байгаль орчны боловсролын сурталчилгааны хөтөлбөр зэрэг үйл ажиллагаанд оролцож, эерэг үйлсийг түгээн ажилладаг байна.
Тэргүүн байрын эзэн мисс нь 1 жилийн турш байгаль эхийн бие төлөөлөгч болж, эх орноо сурталчилахын сацуу дэлхий даяарх байгаль орчин хамгааллын чиглэлийн эвент, арга хэмжээнд оролцож, дуу хоолойгоо өргөх юм.
Монгол Улсын Ерөнхийлөгчийн санаачилгаар хэрэгжүүлж буй “Тэрбум мод” үндэсний хөдөлгөөн нь дэлхийн олон улсад үлгэр жишээ болохуйц шилдэг санаачилгуудын нэгд тооцогдож байгаа бөгөөд, энэ нь улсаа төлөөлөн оролцож буй Б.Мөнхчимэгийн титмийн эзэн болох магадлалыг нэмж, аль хэдийнэ хүчтэй өрсөлдөгчдийн тоонд ороод буй.
More from Энтертаймент
ДУУЧИН ТЕМПО ДАХИН НҮЦГЭЛЭВ
Монголын ганц бие сайхан залуусын тоонд ордог реппер Темпо сүүлийн үед дуулахаас илүү загварын ертөнцөд илүүтэй үзэгдэх болсон. Тэр фитнессээр …
ФИТНЕСС МОДЕЛЬ АНУХАЙГИЙН СҮҮЛИЙН ҮЕИЙН ХАЛУУХАН ЗУРГААС
Бодибилдинг, фитнессийн мэргэжлийн тамирчин, дэлхийн хошой аварга Н.Анужин цахим орчинд фитнесс модель Анухай нэрээрээ танил болсон булчинлаг бүсгүйн сүүлийн үеийн …
ДУУРИЙН “ОСКАР“ ГЭГДДЭГ НЭР ХҮНДТЭЙ ШАГНАЛЫН ЭЗНЭЭР Э.АМАРТҮВШИН ТОДОРЧЭЭ
Ардын жүжигчин Э.Амартүвшин дэлхийн дуурийн оскар Олон улсын дуурийн найм дахь удаагийн шагнал болох "Дуурийн шилдэг баритон" шагналын эзнээр хоёр …
