МАРТЫН 8-НД БОЛОХ СОНГОДОГ ЖҮЖИГ БОЛОН ТОГЛОЛТУУД

Олон улсын эмэгтэйчүүдийн эрхийг хамгаалах өдөр маргааш тохиож, бүх нийтээр амарна. Энэ өдрийг угтан олон үйл ажиллагаа  болно.

СОНГОДОГ ЖҮЖГҮҮД

“Зохиолгүй амьдрал” зууны шилдэг инээдмийн жүжгийг “Х ТҮЦ” продакшны жүжигчид Монголын хүүхдийн ордонд өдөр бүр  19:00 цагаас толилуулж байна.

“Инээмтгий хүн” визуал драмын жүжгийг Оросын соёл, боловсрол, шинжлэх ухааны төвд 20.00 цагт толилуулна. Францын алдарт зохиолч Виктор Хюгогийн туурвисан бүтээлүүдийн ноён оргил болох “Инээмтгий хүн” романыг Pro театрын уран бүтээлчид тайзны бүтээл болгон туурвижээ.

Тус жүжгийг  Оросын соёл шинжлэх ухааны төв буюу РЦНК-д нээсэн бөгөөд дөрөвдүгээр сарын 2-ныг дуустал тоглох юм.

“Анна Каренина” жүжгийг Улсын драмын эрдмийн театрт өнөөдрөөс энэ сарын 12-ныг хүртэл тоглоно. Тасалбарын үнэ 30-80 мянган төгрөг.  Тус театр энэ жүжгийг 2021 оны эхээр анхлан толилуулсан юм.

“Мөрөөдлийн театр”-ын уран бүтээлчид СГЗ, нэрт сэтгүүлч Ц.Балдоржийн зохиол “Шөнө буусан аадар” драмын жүжгийг дахин найруулан тайзнаа дэлгэсэн. Энэ жүжгийг Соёлын төв өргөөнд өдөр бүр 19.00 цагаас толилуулна. Тасалбарын үнэ 25-60 мянган төгрөг.

УРЛАГИЙН ТОГЛОЛТУУД

Дуучин Даваагийн Бурмаагийн “Торгомсог” тоглолт Монгол бөхийн өргөөнд өнөөдөр19.00 цагт болно. Тасалбарын үнэ 30-40 мянган төгрөг.

“Жаргаж дуул, жаргаж инээ” шоу тоглолт МҮЭСТО-нд өнөөдрөөс эхлэн энэ сарын 12-ныг дуустал болно. Тасалбарын үнэ 25 мянган төгрөг. Тоглолтод “Шинэ үе” продакшн, дуучин Б.Болд,Х Мөнгөнцэцэг нар оролцоно.

“Үзэсгэлэн болгогч…” Мартын 8-ны маргаангүй хитүүд нэгдсэн концерт өнөөдөр UB palacе концертын их танхимд 15:00, 19:00 цагуудаас тус тус болно. Улаанбаатар зочид буудлын Их танхимд өнөөдөр 19.00 цагт болох тоглолтын тасалбар 150-200 мянган төгрөгийн үнэтэй.

“Миний ээж хөөрхөн” тоглолт маргааш 14.00, 19.00 цагуудад Улаанбаатар паласт болно. Тасалбарын үнэ 25-40 мянган төгрөг.

“Бүх хайрыг бүсгүйчүүддээ” тоглолт маргааш Бөхийн өргөөнд 15.00, 19.00 цагаас тус тус болно. Тасалбарын үнэ 35-40 мянган төгрөг.

Олон улсын эмэгтэйчүүдийн баярт зориулан “No Name” хамтлаг Мини концертоороо та бүхэнтэй уулзах гэж байна. Тоглолт УИД-ийн долдугаар давхарт болно.

“Бүсгүй танаа” тоглолт маргааш МҮЭСТО-нд 17.00 цагаас болно. Тасалбарын үнэ 30 мянган төгрөг.