М.БАЯРАА: НИЙТИЙН БИЕ ЗАСАХ ГАЗАР, АВТОБУСНЫ ЭЦСИЙН БУУДЛУУДЫГ ТОХИЖУУЛАХ АЖЛЫГ GS-25, CU СҮЛЖЭЭТЭЙ ХАМТРАН ХИЙНЭ

Улаанбаатар хотын Ерөнхий менежер бөгөөд Захирагчийн ажлын албаны дарга М.Баяраа зам, талбайн цэвэрлэгээ, үйлчилгээ, хот, нийтийн аж ахуйн ажлын талаар өнөөдөр мэдээлэл өглөө.

Тэрбээр “Хотын зам талбайн арчилгаа, цэвэрлэгээний ажил жигдрээд явж буй. 457 аж ахуйн нэгж, байгууллага 19,305 ам метр талбайг цэвэрлэлээ. Мөн 100 СӨХ-ны оролцоотойгоор 84,374 ам метр талбайн халтиргаа гулгаа, дагтаршсан цас мөсийг цэвэрлэх ажлыг зохион байгууллаа.

Нөөцийн махны үнэ зах зээлийн ханшнаас дунджаар 20-30 хувийн хямд зарагддаг. Энэ жил 7,000 гаруй тонн нөөцийн махыг гуравдугаар сарын 21-нээс эхэлж долдугаар сарын нэгэн хүртэл зарж борлуулахаар бэлдсэн. Бидний төвлөснөөр нийт есөн дүүргийн 450 гаруй цэгүүдээр зарна.

Нийслэлийн хориглосон бүсээс мал гаргах ажил үргэлжилж байна. Нийт 980 гаруй ажилчин, албан хаагч 150 гаруй техниктэйгээр ажиллаж, 10,500 гаруй тоо толгой малыг гаргалаа. Төв аймаг болон Налайх дүүргээс орж ирж байгаа малын эзэдтэй ойлголцох, мэдээлэл өгөх ажлыг зохион байгуулсан.

Түүнчлэн төр, хувийн хэвшлийн хамтын ажиллагааг бэхжүүлэх, нийтийн эзэмшлийн эд хөрөнгийг байнгын ажиллагаатай, өнгө үзэмжтэй байлгах зорилтын хүрээнд нийтийн бие засах газар, автобусны буудлуудыг тохижуулах, аж ахуйн нэгж, байгууллагын орчны 50 метр хүртэлх талбайн зураглалыг хийлгэж, тохижуулах, асуудлаар GS-25, CU сүлжээтэй хамтарч ажиллана” гэв.

Post Views: 181