АЛБАН ТУШААЛЫН ДАЛЛАГА АВСАН Х.БУЛГАНТУЯАГИЙН ТРИАТЛОНООР ХИЧЭЭЛЛЭДЭГ ГЭР БҮЛ

МАН-ын дэргэдэх НАМЭХ-ны ээлжит бус их хурал болж, ерөнхийлөгчөөрөө УИХ-ын гишүүн, Боомтын асуудал эрхэлсэн сайд Х.Булгантуяаг сонголоо.  НАМЭХ-ны ерөнхийлөгчийн сунгаанд УИХ-ын гишүүн Д.Сарангэрэл, Соёлын сайд Ч.Номин нар өрсөлдөнө гэх мэдээлэл байсан ч УИХ-ын гишүүн Д.Сарангэрэл энэхүү сунгаанд өрсөлдөхгүй гэдгээ зарлаж, нэрээ татсан юм. Мөн тус хуралдаанаас НАМЭХ гэх нэрийг Монголын Социал демократ эмэгтэйчүүдийн холбоо болгон өөрчлөөд байна. 

УИХ-ын гишүүн Х.Булгантуяагийн хувьд өмнө нь Сангийн сайдаар ажиллаж байсан, мөн 2020 оны сонгуулиар Баянзүрх дүүрэгт нэр дэвшиж, сонгогдсон. Тэрбээр хувийн хэвшилд олон жил ажиллаж, гадаадад боловсрол эзэмшсэн гээд толгой цохидог эмэгтэйчүүдийн нэг. Гэхдээ нам доторх эмэгтэйчүүдтэйгээ ойлголцоход тун бэрхшээлтэй хүн хэмээн зарим хүмүүс хэлдэг байна.

УИХ-ЫН ГИШҮҮН, МОНГОЛ УЛСЫН САЙД Х.БУЛГАНТУЯАГИЙН ГЭР БҮЛ

УИХ-ын гишүүн Х.Булгантуяагийн нөхрийг О.Батсүрэн гэдэг. Япон улсад сургууль төгссөн, гадаад харилцаа, хуулийн мэргэжилтэй, Гадаад харилцааны яаманд ажиллаж байгаад хувийн бизнес эрхэлж эхэлсэн нэгэн.

 Тэд анх Японд танилцаж 2006 онд гэр бүл болцгоосон.  Тухайн үед Х.Булгантуяа  Японд англи хэлний багшаар ажиллаж байсан. Өдгөө гурван хүүхэдтэй бөгөөд том охин нь 16 настай. Дунд хүү нь 10 настай бол бага хүү нь 6 настай юм. Том охин нь ээжтэйгээ хамт тэсвэр хатуужлын спорт триатлоноор хичээллэдэг. Багаасаа спортоор хичээллэж эхэлсэн УИХ-ын гишүүн Х.Булгантуяа нь охин хүү нараа усан сэлэлт, триатлоноор хичээллүүлж эрүүл зөв хоббитой болоход нь тусалдаг.