ЖҮЖИГЧИН СУН ЖҮН КИ УДАХГҮЙ ААВ БОЛОХ ГЭЖ БУЙГАА ЗАРЛАЛАА

Өмнөд Солонгосын жүжигчин Сун Жүн Ки Английн жүжигчин Кэти Луиза Сондерстой албан ёсоор гэрлэлтээ батлуулсан, тун удахгүй аав болох гэж бүй тухайгаа өөрийн цахим хуудсанд хуваалцжээ.

Тэрбээр энэ тухайгаа "Сайн байна уу? Сун Жүн Ги байна. Миний хувьд юу юунаас илүү үнэ цэнтэй, аз жаргал өгсөн амлалтаа та бүхэнтэй хуваалцан мэндчилж байна. Дэргэд минь байж, намайг дэмжиж, хамтдаа үнэ цэнтэй цаг хугацааг өнгөрүүлж буй, бие биеэ жаргалтай болгож буй Кэтитэй амьдралаа холбохоор боллоо. Кэти Луиза Сондерс бол сайхан сэтгэлтэй нэгэн. Тэр хүсэл эрмэлзэл дүүрэн амьдарч ирсэн. Мөн мэдрэмжтэй, хүндлүүштэй, гайхалтай нэгэн. Намайг илүү сайн хүн болгож байгаа түүнд баярлаж байна. Бид хамтдаа аз жаргалтай гэр бүл цогцлооно гэж мөрөөдөж байгаа. Бие биедээ амласан амлалтдаа хүрэхээр хичээх болно. Бидэнд ирж буй шинэ амь, амьдралд талархаж байна.

Өнөөдөр харилцан итгэлцэл, биенээ гэх хайрандаа үндэслэн гэрлэсэн хосын хувиар шинэ амьдралаа эхлүүлэхээр гэрлэлтээ бүртгүүллээ. Өнөөдрөөс эхлэн бид нэг зүг руу харан алхах болно. Бүгдийг үл харгалзан намайг дэмжиж байгаа фенүүддээ баярлалаа" хэмээн бичжээ.

Их Британийн жүжигчин Кэти Луиза Сондерсын хувьд 1984 оны долдугаар сарын 21-нд төрсөн бөгөөд "Los Borgia" (2006), "Third Person" (2013), "The Lizzie McGuire" (2003) зэрэг киногоороо алдаршсан нэгэн юм. Мөн тэрбээр 10 настай нэг охинтой.  Харин Сун Жүн Кигийн хувьд 2017 онд БНСУ-ын алдартай эмэгтэй жүжигчдийн нэг Сун Хе Гётой хуримаа хийж, жил есөн сарын дараа гэрлэлтээ цуцлуулсан билээ. Түүнээс хойш хувийн амьдрал нь тогтвортой байсан жүжигчин залуу хэдхэн сарын өмнөөс үл танигдах эмэгтэйн хамт эмэгтэйчүүдийн эмнэлэгт явж байгаад парпарациудын дуранд өртсөн байдаг. Олон нийтийн таамаглалд доривтой хариулт өгөөгүй байсан жүжигчин ийнхүү өнөөдөр /2023.01.30/ өөрийн цахим хуудсандаа нийтлэл бичиж, бүгдийг баталсан юм.