О.САРАНХҮҮД ГАВЬЯАТ ДАСГАЛЖУУЛАГЧ ЦОЛ ХҮРТЭЭЛЭЭ

Түүний хувьд бүжгийн спортод 20 гаруй жилийн хөдөлмөрөө зориулахдаа 8,000 гаруй хүүхэд, залуучуудад спорт бүжгийн боловсрол олгож, бүжгийн спортын олон улсын хэмжээний мастер 30, Бүжгийн спортын мастер 24, дэд мастер 10-ыг төрүүлжээ. Мөн  “Сарны цом” бүжгийн спортын тэмцээнийг санаачлан тасралтгүй 10 жил зохион байгуулж, үндэсний өв соёл, дахин давтагдашгүй ондоошил, үнэт зүйлсийг олон улсын тавцанд таниулан сурталчилж, Дэлхийн аварга шалгаруулах тэмцээнд оролцох багийг 11 удаа удирдан дасгалжуулж, Финалын цом болон 5 удаагийн шагналт байранд шалгарсан амжилтуудыг гаргасан юм.

 

2022 оны бүжгийн спортын дэлхийн аварга шалгаруулах тэмцээнээс мөнгөн медалийг хүртэж, багийн спортын төрөлд олон улсын менежментийг нэвтрүүлэн өндөр амжилт гаргаж, бүжгийн спортын хөгжилд  үнэтэй хувь нэмэр оруулсан билээ.