С.ЭРДЭНИЙН ЭНЭ УДААГИЙН ДАЙРАЛТАД АРДЧИЛСАН ЭМЭГТЭЙЧҮҮДИЙН ХОЛБОО ӨРТӨХ НЬ

Монголын Ардчилсан намын "эрлэг" болоод байгаа С. Эрдэнийн сүүлчийн дайралт Ардчилсан эмэгтэйчүүдийн холбоо бололтой.

Тэрээр Ардчиллын задрал ороогүй ганц байгууллага болох Ардчилсан эмэгтэйчүүдийн холбоогоо задлахаар улайрч эхлэв.

Тодруулбал, энэ сарын 22-нд буюу ирэх Даваа гаригт Ардчилсан эмэгтэйчүүдийн Холбооны хурлыг ээлжит бусаар зарлан хуралдуулах гэж буй аж. Ингэж яарч, сандарч хуралдуулах гэж байгаагийн цаад учрыг лавлаваас "нэг мөсөн гүйцээх захиалга" -аа гүйцэтгэхээр шулуудсан гэх.

Учир мэдэх хүмүүсийн хэлж буйгаар "Ардчилсан намын задралд голч чигээ баримтлан, үйлс зорилгоосоо хазайлгүй ганц байгууллага байсаар ирсэн Ардчилсан эмэгтэйчүүдийн холбоог ийнхүү задлах нь Монголын Ардчилсан намын хувьд болон ардчиллыг дэмжигч олон мянган дэмжигчдийн хувьд харамсалтай мэдээ болж байна" хэмээв.

Мөн энэ талаар мянга мянган дэмжигч гишүүд нь нийслэл болон орон нутгаас эсэргүүцлээ илэрхийлээд эхэлжээ.

Өдгөө эл холбооны Ерөнхийлөгчөөр УИХ -ын дэд дарга С. Одонтуяа ажиллаж байгаа. Түүний хувьд зарчимтай, элдэв задрал, маргаанд голч байр суурьнаас ханддаг нь өдийг хүртэл холбооны бат бэх харилцаанд эерэг нөлөөлөл үзүүлсэн биз. Харамсалтай нь энэ удаад С.Эрдэнээр чигээ заалгах нь.