Л.ОЮУН-ЭРДЭНЭ: ЦАГААН НУУР БООМТЫГ ИРЭХ САРД ӨЛГИЙ ХОТТОЙ ХОЛБОЖ ДУУСНА

 Монгол Улсын Ерөнхий сайд Л.Оюун-Эрдэнэ Цагаан Нуур боомтод очиж /2022.07.18/ ажиллаа. Энэ үеэр Цагаан нуур боомтын ажлын үйл явцын талаарх мэдээлэл өгсөн юм.

Тэрбээр "Монгол Улс далайд гарцгүй орон. Тийм учраас бүх боомтоо автозамаар холбож, Алтанбулаг-Замын-Үүд боомтыг хурдны замаар холбох ажил бий. Баруун босоо тэнхлэг, зүүн босоо тэнхлэгийн төмөр замын ажил хийгдэж эхэлж байна. Өнөөдөр миний бие 9 дэх боомт дээрээ буюу Баян-Өлгий аймгийн Цагаан нуурын боомтод ирээд байна.

Цагаан нуур тосгонтой 27,8 км замын ажлын явцтай танилцлаа. Боомтын үйл ажиллагааг биечлэн танилцаж байна гэхээсээ илүү 2 хөрш улсдаа ач холбогдлоо илэрхийлж байгаа юм. ОХУ, БНХАУ-ын Засгийн газартай томоохон төслүүд хэрэгжүүлж эрчимжиж байна.

Цагаан нуурын боомтыг ирэх сарын сүүлчээр Өлгий хоттой холбоно. Энэ боомт нь ОХУ-тай хиллэдэг гол боомтуудын нэг. Энэхүү ажлыг дуусгаснаар экспорт нэмэгдэх цаашлаад баруун аймгийнхан хүнсний бордоо, шатахуун зэргйиг оруулж ирэх голлох боомт болно" хэмээлээ.