Н.БАЯРМӨНХ: БИДНИЙ ЭХЛҮҮЛСЭН АЖИЛ БҮР ИРГЭДИЙН АМЬДРАХ ОРЧНЫГ САЙЖРУУЛАХЫН ТӨЛӨӨ ХИЙГДЭЖ БАЙНА

Баянзүрх дүүргийн удирдлагын баг 7 хоног бүрийн нэг өдөр иргэдтэй уулздаг уламжлалтай. Энэ хүрээнд өнөөдөр 30 гаруй иргэнтэй уулзлаа.

Уулзалтад ирсэн иргэдийн дийлэнх хувь нь газрын маргаан, байрны дулаалга, засвар, гарааш буулгалт, орц гарц замын асуудлаар санал хүсэлтээ илэрхийлсэн. Мөн ногоон хөгжил буюу мод тарих, гэр хорооллын гудамж зэрэг асуудлыг хөндлөө. Энэ үеэр Баянзүрх дүүргийн Засаг дарга Н.Баярмөнх:

"Дүүрэг орон нутгийн зүгээс иргэндээ ээлтэй орчныг бүрдүүлэх, тэдэнд тулгамдсан бүтээн байгуулалт, тохижилтын ажлыг хийсээр байна. Гэхдээ хороо бүрд харилцан адилгүй гэдгийг та бүхэн ойлгоорой. Учир нь бид алслагдсан хороод хэрхэн хөгжих, аль бүсэд ногоон байгууламж хийх, аль хэсэгт томоохон бүтээн байгуулалтууд хийх гэх мэт Ерөнхий төлөвлөгөөг мэргэжлийн эрдэмтэн судлаач нартайгаа хамтарч хийсэн. Үүнд иргэд та бүхний оролцоо, санал хүсэлт хамгийн чухал" гэсэн юм.

Уулзалтын үеэр иргэдээс ирүүлсэн зарим асуудлыг холбогдох мэргэжлийн алба хэлтсийг байлцуулж газар дээр нь шийдвэрлэж үлдсэн асуудлыг судалж иргэдэд заавал хариу өгч, шаардлагатай заавар зөвлөгөөөг өгөх, зөвлөн туслах үйлчилгээг үзүүллээ гэж Баянзүрх дүүргээс мэдээллээ