Г.ЗАНДАНШАТАР ЧУУЛГАНЫ НЭЭЛТИЙН ҮЕЭР ЮУГ ОНЦЛОВ?

УИХ-ын 2021 оны намрын ээлжит чуулган  өнөөдөр /2021.10.01/ 10:00 цагт  нээлтээ хийлээ.  Нээлтийн эхэнд УИХ-ын дарга Г.Занданшатар үг хэллээ. Түүний хэлсэн үгнээс онцлох 10 ишлэлийг хүргэж байна.

1. Эдийн засгийн өсөлт удааширч 2022 онд таван хувьд хүрэх дүн гарсан. Өргөн хэрэглээний барааны үнэ өмнөх оны мөн үетэй харьцуулахад нэмэгдсэн.
2. Тиймээс Засгийн газар тууштай, тогтвортой ажиллах шаардлагатай
3. Covid-19 халдвар олон сөрөг нөлөөг дагуулсан ч шинэ боломжуудыг нээж өгсөн. Түүний нэг нь цахим хурал, худалдаа, ажил эрхлэлт өмнө нь байгаагүй өргөн хүрээг хамарлаа. 
4. Одоо үүнийг технологийн шинэ дэвшилттэй уялдуулан тогтмол хэрэглээ болгож чадвал бид цахим үндэстэн болох зорилт руу нэг алхам ойртоно гэсэн үг.
5. Цар тахлыг хорио, хязгаарлалтаар бус иргэн бүрийн хариуцлага, төр засгийн манлайлал буюу хамтын хүчээр даван туулна. Гэхдээ сайд нараас хариуцлага нэхэж, шаардлага тавьж ажиллах болно.
6. Саяхан шатахууны хомсдол үүсч, нийгэмд бухимдал үүсгэлээ. Үүнд хэдийгээр гадаад шалтгаан байсан ч ажил хариуцсан хүмүүс ажлаа хийж чадаагүй гэдгээ хүлээн зөвшөөрөх ёстой.
7. Дөнгөж сэргэж буй эдийн засагт дусал залгаж, улмаар сүүлийн 30 жилийн гажиг тогтолцоог засахын тулд бодлогын реформ хэрэгжүүлнэ.
8. Хөдөлмөр эрхлэх чадвартай, орлого багатай иргэдийг халамжаар бус ажлын байраар хангана.
9. Халамжаас хөдөлмөрт шилжих, авто замын түгжрэлийг бууруулахад шаардагдах санхүүжилтийг шийдвэрлэнэ.
10. Юуны өмнө авлигатай тэмцэх ажлыг шинэ шатанд гаргаж төрийн хүнд суртлыг халах зорилтыг хэрэгжүүлнэ.