КОВИД-19 цар тахал, УОК-ын шийдвэрийг уландаа гишгэсэн МИНТ

МИНТ КЛУБ – 2020.09.12-ний өдөр буюу Баасан гарагаас Бямба гарагт шилжих шөнө 01:46 минут:

УОК-ын хуралдаанаар шөнийн 00:00 цаг хүртэл ажиллах зөвшөөрөлтэй “Караоке, Баар цэнгээний газрууд” дундаас хамгийн эрх дархтай гэгддэг МИНТ нь журмаа дагах хүсэлгүй байгааг УЛААНБААТАРынхан бид бодитоор нь харж байна.

Айлын эрх хүүхэд шиг хэний нөмөрт “дэвээд” 00:00 цагаас хойш шөнөжин 100 хувь маскгүй талбай дүүрэн иргэдэд тусгайлчлан үйлчлээд байгааг гайхаад баршгүй. Бүр сүүлдээ бид дөжирч, тэд цагаандаа гарах шиг.

КОВИД-19 цар тахал, УОК-ын шийдвэр МИНТЧҮҮДЭД огтхон ч хамаагүй, гол нь ОРЛОГО л чухал бололтой!!!

Нийслэлийн онцгой комисс, Нийслэлийн засаг даргын гаргасан захирамжинд согтууруулах ундаагаар үйлчилдэг байгууллагууд 07:00-00:00 цагийн хооронд ажиллах журамтай. Цагийн хуваарийг баримтлахаас гадна, нийт талбайн 50 хувийг ашиглах, ариутгал халдваргүйжүүлэлтийн дэглэм сахих, ажилтан үйлчлүүлэгчид амны хаалт зүүх үндсэн шаардлагыг мөрдөх ёстой. Өнгөрсөн тавдугаар сард НЗДТГ, нийслэлийн мэргэжлийн хяналтын газраас дээрх шаардлагыг зөрчсөн нийт 31 аж ахуйн тусгай зөвшөөрлийг түдгэлзүүлсэн ба үүнд МИНТ клуб дээгүүр жагсаж байсан удаатай.

Гэтэл УОК-оос Минт-д шөнийн 03:00 цаг хүртэл ажиллах эрх тусгайлан олгоо юу даа гэж бүх нийтээрээ хүлээн зөвшөөрөхөөр байна.

“Угаасаа л шөнөжин ажилладаг” гэдэг тодотгол нь бүр даамжраад улсын онцгой комисс, нийслэлийн мэргэжлийн хяналтын газрыг уландаа гишгээд дууслаа…

МИНТ тусгай эрхээрээ нар мандахтай зэрэгцэж хааж байгааг харсаар байж бусад үйлчилгээний байгууллагуудаа 00:00 цагтай уралдан минут секунд тоолон торгож хааж байхаар бүх нийтээр нь ажлуулж “айлын үрийг алаглахгүй” баймаар юм.

Монгол улсаас бусад орнуудад үйлчилгээний байгууллагууд нийгмийн ухамсараараа онцгой байдлаас үүдэлтэй дүрэм журмаа ягштал баримталж байхад БИДний бодит байдал…