Ж.Батбаясгалан, Н.Батсүмбэрэл тэргүүтнүүдийг "Ковид 19"-ын хандивын мөнгөөр шагнажээ

Коронавирус ард иргэдэд сүйрэл, албан тушаалтанд ашиг хонжоо олох арга хэрэгсэл болж хувирчээ. Үүнийг Нийслэлийн засаг дарга асан С.Амарсайханы нэгэн захирамж батлаж байна.

С.Амарсайхан төрийн байгууллага хийх ёстой ажлаа хийснийх нь төлөө хандив тусламжийн мөнгөөр албан тушаалтнуудыг шагнах захирамж гаргасан нь өдгөө ил болж ихээхэн шүүмжлэл дагуулаад байна.

Тодруулбал, Чингэлтэй дүүрэгт “Коронавируст цар тахлын үеийн харилцан ажиллагаа, хариу арга хэмжээ” сэдэвт гамшгаас хамгаалах иж бүрэн дадлага сургуулалт зохион байгуулагдсан байдаг. Гэтэл үүнийг амжилттай зохион байгуулж, идэвхтэй санаачлагатай ажилласан хэмээн 21 албан тушаалтанд гамшгийн үеэр орж ирсэн тусламж хандиваас 21 сая төгрөг гарган шагнах зарлиг гаргасан байгаа юм.

Ийнхүү Хотын дарга асан С.Амарсайханы захирамжаар Нийслэлийн Засаг даргын хөгжлийн бодлогын асуудал хариуцсан нэгдүгээр орлогч Ж.Батбаясгалан, Улаанбаатар хотын менежер бөгөөд Захирагчийн албаны дарга Т.Гантөмөр, Нийслэлийн Засаг даргын тамгын газрын дарга Ц.Уртнасан, Чингэлтэй дүүргийн Засаг дарга Н.Батсүмбэрэл тэргүүтэй албан тушаалтнууд хандивын мөнгөнөөс тус бүр 1 сая төгрөгийн урамшуулал авчээ.

Ил болсон нь л энэ болохоос хандив, тусламжийн мөнгөөр хэчнээн хүнийг шагнаж урамшуулж, үргүй зардал хэр хэмжээнд гаргасныг таашгүй

Enter.mn