МАН: Мөнгө татсан тогтоолыг хуурамчаар үйлдсэн

МАН-аас өнөөдөр намын санхүүжилтийг босгох хандивын аяныхаа талаар мэдээлэл хийлээ. Мэдээллийн эхэнд МАН-ын Хэвлэлийн төлөөлөгч Ө.Золбаяр, нэр дэвшигч Х.Булгантуяа, Г.Амартүвшин нар “МАН УИХ-ын сонгуулийн тухай хуулийн 51 дүгээр зүйлд заасны дагуу сонгуулийн санхүүжилтийг босгох хандивын аяныг өрнүүлж байна. Аливаа улс төрийн хүчин, нам эвсэл нь сонгуульд өрсөлдөхдөө цэвэр санхүүгийн эх үүсвэрээр өрсөлдөх ёстой байдаг Иймд МАН энэ зарчмаар сонгуульд өрсөлдөн” гэсэн юм.

Мөн МАН-ын хувьд нэр дэвших сонирхолтой гишүүдээс санхүүжилт татах, ямар нэгэн дэнчин тавихгүй гэдгээ мэдэгдлээ. Хандивын аяны хүрээнд 200 гаруй мянган намын гишүүд болон дэмжигчид 1000 болон 5000 төгрөгийн хандив өгч эхэлсэн байна.

Түүнчлэн, хандивын аянаас гадна цахим орчинд ард олны дунд шуугиан тариад байсан  “МАН нэр дэвшигчдээсээ их хэмжээний мөнгө татаж байна” гэх мэдээлэлд МАН-ын Удирдах зөвлөлийн тогтоолыг хуурамчаар үйлдсэн гэх тайлбар өгсөн юм.

enter.mn