МАН нэр дэвшигчдээсээ 1 тэрбумын хөрөнгө босгосон уу?

Сонгууль хараахан эхлээгүй байна. Гэвч сонгууль дөхөөд ирмэгц нэгэнрүүгээ дайрч давшлах,  гүтгэх доромжлох явдал газар авч эхэллээ. Нэн ялангуай сүүлийн өдрүүдэд АН-ын гишүүдрүү, намруу нь дайрсан контентууд ар араасаа хөвөрсөөр.  Энэ бүхнээс харахад МАН энэ сонгуульд нэлээн ширүүхэн оролцох нь ээ. Хандив аа ч сайн цуглуулж, намын гишүүд дэмжигдээсээ хөрөнгө ч сайн босгож.  Мөнгөөр зодоод л сонгуулиа хийгээд байх нь дээ.

Үүнийг баталж байгаа юм шиг  МАН-ын Удирдах зөвлөлийн тогтоол буюу хөрөнгө хуримтлуулах тухай баримт олон нийтэд дэлгэгдээд эхэллээ.

Энэ баримтаас үзэхэд тэд УИХ-ын сонгуулийн саналын хуудсын эхэнд болон ард бичигдэх байдлаар нь нэр дэвшигчдээсээ хөрөнгө хуримтлуулж эхэлжээ. 

Тодруулбал, УИХ-ын сонгуулын саналын хуудсын эхэнд бичигдэх нэр дэвшигчээс 1 тэрбум төгрөг, саналын хуудсын хоёрдугаарт бичигдэх нэр дэвшигчдээс 500 сая, харин мөнгө өгөөгүй нь гуравт бичигдэх зарчмаар явж байгаа аж.

Хэрэв энэ баримт үнэн бол энэ удаагийн УИХ-ын сонгуульд МАН-аас нэр дэвшиж байгаа хүмүүсийн хамгийн мөнгөтэй, нөлөөтэй нь саналын хуудсын эхэнд, мөнгө өгч чадаагүй нь гуравт бичигдээд явна гэдгийг  харж болно.

Гэхдээ эл тогтоол олон нийтэд дэлгэгдээд эхэлмэгц  МАН-ын зарим гишүүд хуурамч, эвлүүлэг, шударга өрсөлдөе гэсэн мэдэгдлүүдийг ар араасаа хийж эхлээд байгаа юм. 

Ямартаа ч намууд янз бүрийн байдлаар нэр дэвшигчдээс их хэмжээний мөнгө босгоно. Харин тэд нар нь гарч ирмэгцээ зарцуулсан мөнгөө олох гэж улайрна. Ингэж явсаар дөрвөн жилийн цикл нь дуусчихдаг явдал манай улсад хэзээ яаж өөрчлөгдөх юм бол доо.