Ж.Рагчаадорж:Орон нутгийн лиценз эзэмшигчид нэгдэж, хөрөнгө оруулалт авдаг болсон

“Монголын геологи, хайгуул 2019” чуулга уулзалтыг 11 дэх жилдээ зохион байгуулж байна. Чуулга уулзалтад 1000 гаруй зочид төлөөлөгчид, 100 гаруй дотоод хөрөнгө оруулагчид оролцож байна. Энэ үеэр “Чингис ворлд майнинг” компанийн үүсгэн байгуулагч, “Ухаалаг уул уурхай” төслийн санаачлагч Д.Батбаяр “” Уул уурхайн салбарт ашигт малтмалын лицензтэй ч хөрөнгө босгож чадахгүйгээс тусгай зөвшөөрлөө хураалгахдаа тулсан том байгууллага биш, иргэн, залуустай хамтран ажиллаж эхэлсэн.

Ийм байдалд орсон залуус маань над дээр ирээд хамтраад компани байгуулсан байгаа. Энэ бол гар дээрх лицензээ хураалгах гээд сандарсан залуусын нэгдэл. Тэд кёкүшюзанд итгэж, төлбөр төлж, хайгуул хийгээд өгөх боломжтой гэж ирсэн. Бид зөвлөлдөөд нэг баг болоод ажиллаж байна” гэдгийг онцолсон юм.

Мөн Монголын эрдэнэсийн баялаг ашигт малтмалын тусгай зөвшөөрөл эзэмшигчдийн холбооны тэргүүн Ж.Рагчаадорж “Бид лиценз эзэмшигчдийн эрх ашгийг хамгаалах, тэдэнд гадаад болон дотоодын хөрөнгө оруулагчдыг холбож өгөх, экологийн тэнцвэрт байдлыг хадгалж ажиллах үндсэн зорилготой. Энэ хүрээнд хөдөө орон нутагт тархай байгаа лиценз эзэмшигчдийг нэгдсэн зохион байгуулалтанд оруулахаар  “Ухаалаг уул уурхай” төслийг  Кёкүшюзан  Д.Батбаяр санаачлагаар хэрэгжүүлэн ажиллаж байна. Ер нь орон нутгийн лиценз  эзэмшигч хийгээд манай холбоонд санхүү эдийн засаг, хөрөнгө оруулалтаас эхлээд маш олон бэрхшээл гардаг. Тиймээс  Кёкүшюзан  Д.Батбаярын зүгээс бидэнд арга зүй, эдийн засгийн бодит тусламж үзүүлж хамтран ажиллаж, асуудлыг нэгдэж шийдэж байгаа туйлын баяртай байгаа.  Энэ мэтчилэн цаашдаа лиценз эзэмшигчдийг бодлогын түвшинд анхаарах, хууль эрхзүйн  чадамж бий болгох, орон нутгийн иргэдэд зөвөөр ойлгуулах зэрэгт анхаарах хэрэгтэй” хэмээсэн юм.