Н.Алтанхуяг: Ёсзүйн чадамжгүй УИХ-ыг тараах хэрэгтэй

Монгол Улсын Ерөнхий сайд асан Н.Алтанхуяг цаг үеийн асуудлаар мэдээлэл хийлээ.

Тэрбээр мэдээллийнхээ эхэнд, "Энэ цаг үе биднээс эр зориг арга ухаан шаардаж байна. Монгол хүн бүр шударга ёсыг нэхэмжилж хариуцлага нэхэж байна. Төр нь иргэдийнхээ боломжийг хулгайлагч гэмт хэрэгтнүүдээр дүүрч, намууд нь мафижсан бүлэглэлүүдийн үүр уурхай болж, олон мянган гишүүдийнхээ итгэлийг алдаж байгааг та бид харж байна. Баяжих хөлжих донтнуудын хүсэлд Монгол Улс туйлдаж, амьдрах нөхцөл улам бүр хүндэрч байгаа ийм цаг үеийг та бид хамтдаа туулж явна. Одоо энэ бүхнийг эцэслэж, тэмцэх цаг болсон. Ард түмний өмчийг хувьдаа завшдаг, хуулийн засаглалыг хувьчилж аваад өөрсдөдөө үйлчлүүлдэг хүмүүсийг ард түмний шударга шүүхийн өмнө авч ирэх цаг болжээ" гэдгийг онцлов.

Мөн Монгол төрийн албыг 60 тэрбумаар наймаалцсан, төсвийн мөнгийг хэдэн 10 тэрбумаар нь завшсан. Мянга, мянган ажлын байр, айл өрхийн сайхан амьдрах боломжуудыг хулгайлсан нь нотлогдоод байгаа УИХ-ыг ёсзүйн чадамжгүй гэж үзэж нэн яаралтай тараах хэрэгтэй гэлээ.

Enter.mn