НҮҮРСНИЙ СОНСГОЛ : ҮСХ-НЫ ДАРГА Б.БАТДАВАА ЭХНЭР Ц.АМГАЛАНГИЙН ХАМТ ГЭРЧЭЭР ОРОЛЦОЖ БАЙНА

Нүүрсний сонсгол дээр түүний эхнэр Ц.Амгалангийн нэр дээр бүртгэлтэй нүүрс тээврийн 6-7 компани байгаа бөгөөд дээрх компаниудаараа 4000 гаруй удаа гаалийн бүрдүүлэлтгүйгээр нүүрс тээвэрлэсэн гэх шинжээчийн дүгнэлт гарчээ.

Тэгвэл Үндэсний статистикийн хорооны дарга Б.Батдаваагийн хөрөнгө орлогын мэдүүлгийг бид энэ удаад онцолж байна. Тэрбээр АТГ-т мэдүүлгээ бүртгүүлдэг албан тушаалтан бөгөөд ҮСХ-нд 2020 оны нэгдүгээр сарын 21-нд томилогдож байжээ.

Түүний жилийн нийт орлого нь 146,8 сая бөгөөд сард 12,2 сая төгрөг олдог аж. Харин гэр бүлийнх нь жилийн нийт орлого 3,5 тэрбум төгрөг. 2,8 их наядаар үнэлэгдэх 6 орон сууц, 4 авто зогсоолтой. 20 саяын газар эзэмшдэг, 50 сая төгрөгөөр үнэлэгдэх үнэт эдлэлтэй.

Мөн тэрбээр 7,8 тэрбум төгрөгийн хадгаламжтай, 376 сая төгрөгийн зээлийн үлдэгдэлтэй аж.

Түүний хувьцааг нь эзэмшдэг компаниудын жагсаалт:

Коүпанг ХК, Рио Тинто ХК, Универсалсервис ХХК, Майкрософт ХК, Жи Пи Морган ХК, Беркшайр Хатвай ХК, Боинг ХК, Тоёота Моторс ХК, Эрдэнэс Тавантолгой ХК, Очирманлай од консалтинг ХХК, Манлай дорно ХХК, Финко Инвестмент Партнерс ХХК, Витри сэндс ХХК, Эм Би Эс Пи ХХК, Цэц шонхор авто ХХК