ЗУСЛАНГИЙН ҮЙЛЧИЛГЭЭНИЙ ОДООГИЙН НӨХЦӨЛ БАЙДАЛ, ҮЙЛ АЖИЛЛАГААНЫ БЭЛТГЭЛ АЖЛЫН ТАЛААР САНАЛ СОЛИЛЦОХ ЗОРИЛГОТОЙ УУЛЗАЛТ ЗОХИОН БАЙГУУЛЛАА

Уг үйл ажиллагаанд Засгийн газрын хэрэгжүүлэгч Гэр бүл, Хүүхэд, залуучуудын хөгжлийн газрын Хүүхдийн эрхийн хэрэгжилтийн газрын ахлах мэргэжилтэн У.Долгормаа, Нийслэлийн Гэр бүл, Хүүхэд, залуучуудын хөгжлийн газрын Хүүхдийн хөгжил, хамгааллын хэлтсийн дарга Б.Батсайхан, Монголын Үндэсний зуслангуудын холбооны тэргүүн Т.Түвшин нар зуслангийн үйлчилгээний чиглэлээр төрөөс баримтлах бодлого, хэрэгжүүлэх үйл ажиллагааны төлөвлөлт, хамтын ажиллагаа, цаашид хамтран ажиллах санал танилцуулах зэрэг чиглэлээр мэдээлэл хийлээ.

Нийслэлийн зуслангийн удирдах ажилтнууд уулзалт хэлэлцүүлгийн үеэр санал бодлоо солилцож, хамтран ажиллах талаар санал хүсэлтээ илэрхийлсэн.

Уулзалт, хэлэлцүүлэг зохион байгуулагдсанаар хүүхдийн зуслангууд хөгжлийн хөтөлбөр болон цаашдын үйл ажиллагааны талаар харилцан шинэлэг мэдээлэлтэй болж, хүүхдийн зуслангийн бүртгэл мэдээллийг шинэчилж, 2023 оны зуслангийн үйл ажиллагааны бэлтгэл ажлыг эхлүүлэхэд шаардлагатай шийдвэрүүдийг хамтран гаргалаа.