Археологичид орчин үеийн төхөөрөмжийн тусламжтай Египетийн алдарт Хеопсын пирамидад нэгэн нууцлаг хонгил илрүүлжээ.
4500 жилийн өмнө баригдсан Хеопсын буюу Хуфугийн пирамидын хойд талд илрүүлсэн хонгил нь есөн метр урт, хоёр метр өргөн аж. Пирамидын гол хаалганы дээр байрласан эл хонгил ямар зориулалттай болох нь одоогоор тодорхойгүй байна. 2017 онд Хеопсын пирамидад мөн 30 метр урт хонгил илрүүлж байсан аж. Египетийн Аялал жуулчлалын сайд Ахмед Эйссийн мэдээлснээр, энэхүү нээлтийг олон улсын “Scan Pyramids” төслийн хүрээнд хийжээ. Эл төсөл нь эртний Египетийн агуу өв соёлын судлагдаагүй хэсгийг орчин үеийн тоног төхөөрөмж ашиглан судлах зорилготой. Төсөл 2015 оноос хойш хэрэгжиж байна.
Тус хонгил доор нь байрлах ямар нэгэн зүйлийг хамгаалж, даралтыг багасгах зориулалттай байсан байх талтай гэж археологичид таамаглаж байна. Энэ нээлт нь эртний Египетийн дөрөв дэх угсааны фараон Хуфугийн бунхны олон оньсыг тайлна гэж эрдэмтэд итгэж байна.
More from Нийгэм
ӨГЛӨӨНИЙ УУЛЗАЛТЫГ ЭРҮҮЛ МЭНДИЙН ТӨВӨӨС ЭХЛҮҮЛЛЭЭ
Сонгинохайрхан дүүргийн иргэдийн Төлөөлөгчдийн Хурлын дарга Б.Золбоо “ӨГЛӨӨНИЙ УУЛЗАЛТ”-аа Эрүүл мэндийн төв, Өрхийн эрүүл мэндийн төвөөс эхлүүллээ. Эрүүл мэндийн төв 1963 …
ЭС, ЭД, ЭРХТЭН ШИЛЖҮҮЛЭН СУУЛГАХ ТӨВИЙН НАЙМАН ДАВХАР БАРИЛГЫН АЖИЛ ЭХЭЛЛЭЭ
Улсын нэгдүгээр төв эмнэлгийн Эс, эд, эрхтэн шилжүүлэн суулгах төвийн найман давхар, 120 ортой, 18 мянган метр квадрат 15 мэс …
ЧИНГЭЛТЭЙ ДҮҮРГИЙН 14, 15 ДУГААР ХОРООНЫ ИРГЭД З.ТӨМӨРТӨМӨӨД ХҮҮХДҮҮДИЙН АЯ ТУХТАЙ СУРЧ БОЛОВСРОХ НӨХЦЛИЙГ ХАНГАСАНД ТАЛАРХАЛ ИЛЭРХИЙЛЛЭЭ
Чингэлтэй дүүргийн 14, 15 дугаар хорооны иргэд үр хүүхдүүдийнх нь ая тухтай сурч хүмүүжих боломж нөхцлийг бүрдүүлэхийн төлөө их зүйл …
