Ж.МӨНХБАТ “МУУ НЭР”, ӨВЧТЭЙ ЭЭЖЭЭСЭЭ БОЛЖ ГИШҮҮНИЙ БҮРЭН ЭРХЭЭСЭЭ ТАТГАЛЗСАН ГЭВ

УИХ-ын гишүүн Ж.Мөнхбат бүрэн эрхээсээ түдгэлзэх хүсэлтийг УИХ-ын даргад гаргаад байна.

Энэ талаараа тэрбээр “ Улсын Их Хурлын гишүүний бүрэн эрхээсээ хүндэтгэх шалтгааны улмаас татгалзаж, бүрмөсөн чөлөөлөгдөх хүсэлтээ УИХ-ын дарга Г.Занданшатарт гардуулж өгсөн болно.  УИХ-ын тухай хуулийн 10.1.2 дахь заалтын дагуу хүндэтгэх шалтгаанаа доорх өргөдөл хүсэлтдээ тодорхой дурдсан. Би нуугдалгүйгээр энгийн иргэн болоод хэвлэлээр удаа дараа гарсан концесс, казино, нүүрс, үнэтэй цаг, машиныхаа асуудлаар шалгуулахад бэлэн” гэв.

Түүний өргөдлийг бүрэн эхээр нь хүргэж байна.

Авлигатай тэмцэх газар /АТГ/ өнгөрсөн арваннэгдүгээр сард нүүрсний хэрэгт шууд болон шууд бусаар хамаарах 10 гаруй улстөрчийн нэр зарлахад УИХ-ын гишүүн Ж.Мөнхбатын нэр багтаагүй ч шалгагдах ёстой зүй ёсны хүнээр нэрлэгдэж ирсэн юм.

Харин Улсын ерөнхий прокурорын газраас  УИХ-ын гишүүн Ж.Мөнхбат, Ш.Раднаасэд нарын бүрэн эрхийг түдгэлзүүлэн шалгах тогтоол гарган, УИХ-д хүргүүлэхээр зэхэж байгаа талаар хэвлэлүүд мэдээлж байлаа.