Монгол Улсын начин Э.Энхбат өнөөдөр /2021.12.24/ тэнгэрийн орныг зорин одлоо. Тэрээр хүнд гэмтлийн улмаас найман сарын хугацаанд Солонгос улсад эмчилгээ хийлгээд Монгол орондоо ирж, Сонгдо эмнэлэгт хэвтэн эмчлүүлж байсан юм.
Эрдэнэбилэгийн Энхбат нь Булган аймгийн Могод сумын уугуул, үндэсний бөхийн улсын өсөх идэр начин. Улсын наадмын дэвжээнд 2009 онд Ардын хувьсгалын 88 жилийн ойн наадамд улсын харцага Г.Элбэгээр дөрөв, улсын гарьд И.Доржсамбуугаар тав даван шөвгөрч, Монгол улсын начин цол хүртсэн. АХ-ын 91 жилийн ойн баяр наадамд улсын өсөх идэр начин Ж.Отгонбаяраар дөрөв, улсын харцага Т.Өсөх-Ирээдүйгээр тав давж шөвгөрөн “Өсөх идэр” чимэг нэмсэн. 2013 онд АХ-ын 92 жилийн ойн баяр наадамд улсын начин Л.Нямсүрэнгээр дөрөв, улсын начин Ц.Одбаяраар тав давж шөвгөрөн “Улам нэмэх” чимэг нэмсэн. 2019 онд АХ-ын 98 жилийн ойн баяр наадамд аймгийн арслан А.Отгонбаатараар дөрөв, улсын начин Б.Амарзаяагаар тав давж шөвгөрсөн, ард түмнийхээ хайрыг татсан бөх байлаа. Зүлэг ногоон дэвжээ, нутгийн ард олон, монголчууд тань таныг үүрд дурсан санах болно.
Талийгаачийн ар гэр, төрөл төрөгсөд, найз нөхдөд гүн эмгэнэл илэрхийлье.
More from Нийгэм
ГАМШГИЙН ЭРСДЭЛИЙГ БУУРУУЛАХАД БНСУ-ЫН ҮНДЭСНИЙ АВРАХ АЛБАТАЙ ХАМТРАН АЖИЛЛАНА
Баянзүрх дүүргийн Гамшгийн эрсдэлийг бууруулах орон нутгийн зөвлөл гадаад хамтын ажиллагаагаа өргөжүүлэн тэлж БНСУ-ын Үндэсний аврах албатай хамтран ажиллахаар боллоо. …
“НОГООН ГЭРЭЛ-ЦАГААН ШУГАМ” АРГА ХЭМЖЭЭНИЙ ШИЛДГҮҮДЭД ШАГНАЛ ГАРДУУЛАХ АРГА ХЭМЖЭЭ БОЛЛОО
Баянзүрх дүүргийн Ерөнхий боловсролын сургуулийн бага ангийн сурагчдын дунд замын хөдөлгөөний дүрмийн мэдлэг олгох “Ногоон гэрэл-Цагаан шугам” тэмцээнийг зохион байгуулдаг. …
УРД ШӨНӨ ОРСОН ЦАСНААС ҮҮДЭН ХАЛТИРГАА ГУЛГАА ҮҮСЭХЭЭС СЭРГИЙЛЭН АЖИЛЛАЖ БАЙНА
Нийтийн эзэмшлийн зам талбайн цэвэрлэгээний 6 байгууллага 28 техник хэрэгсэл, 260 хүний бүрэлдэхүүнтэй бэлэн байдлыг ханган ажиллаж авто замын зорчих …
