Монгол Улсын Засгийн газрын 2020-2024 оны үйл ажиллагааны хөтөлбөрт Эрдэнэт үйлдвэрийг түшиглэн үйлдвэрлэл, технологийн парк байгуулахаар тусгаж, Засгийн газрын 129 дүгээр тогтоолоор “Эрдэнэт үйлдвэр” ТӨҮГ-т үйлдвэр технологийн паркийн үйл ажиллагаа эрхлэх тусгай зөвшөөрөл олгосон. Ингэснээр паркийн бүрэлдэхүүнд хамаарах “Зэсийн баяжмал хайлуулах, боловсруулах үйлдвэр” байгуулах судалгаа амжилттай хэрэгжиж байна. Энэ төслийн хүрээнд дайвар бүтээгдэхүүн болох хүхрийн хүчил саармагжуулах, нэмүү өртөг шингэсэн бүтээгдэхүүн үйлдвэрлэх судалгааны ажлыг Эрдэнэт үйлдвэрийн Судалгаа, шинжилгээний хүрээлэн гүйцэтгэж байгаа юм. Эхний ээлжинд Дорноговь, Завхан, Хөвсгөлийн фосфоритын хүдрийн дээжид баяжигдах чанарын судалгааг лаборатори болон хагас үйлдвэрлэлийн түвшинд гүйцэтгэжээ. Мөн фосфорын бордоо үйлдвэрлэх туршилт судалгаанд шаардлагатай фосфатын баяжмалыг гарган авлаа. Одоогийн байдлаар Шинжлэх ухааны академийн Хими, химийн технологийн хүрээлэнтэй хамтарсан фосфорын бордоо гаргах туршилт, судалгаа хийгдэж байна.
Т.Батчулуун
Фото: Б.Баттөгс
More from Нийгэм
ГАМШГИЙН ЭРСДЭЛИЙГ БУУРУУЛАХАД БНСУ-ЫН ҮНДЭСНИЙ АВРАХ АЛБАТАЙ ХАМТРАН АЖИЛЛАНА
Баянзүрх дүүргийн Гамшгийн эрсдэлийг бууруулах орон нутгийн зөвлөл гадаад хамтын ажиллагаагаа өргөжүүлэн тэлж БНСУ-ын Үндэсний аврах албатай хамтран ажиллахаар боллоо. …
“НОГООН ГЭРЭЛ-ЦАГААН ШУГАМ” АРГА ХЭМЖЭЭНИЙ ШИЛДГҮҮДЭД ШАГНАЛ ГАРДУУЛАХ АРГА ХЭМЖЭЭ БОЛЛОО
Баянзүрх дүүргийн Ерөнхий боловсролын сургуулийн бага ангийн сурагчдын дунд замын хөдөлгөөний дүрмийн мэдлэг олгох “Ногоон гэрэл-Цагаан шугам” тэмцээнийг зохион байгуулдаг. …
УРД ШӨНӨ ОРСОН ЦАСНААС ҮҮДЭН ХАЛТИРГАА ГУЛГАА ҮҮСЭХЭЭС СЭРГИЙЛЭН АЖИЛЛАЖ БАЙНА
Нийтийн эзэмшлийн зам талбайн цэвэрлэгээний 6 байгууллага 28 техник хэрэгсэл, 260 хүний бүрэлдэхүүнтэй бэлэн байдлыг ханган ажиллаж авто замын зорчих …
