Монгол Улсын төсөвт cүүлийн хоёр жилд нэг их наяд төгрөг давсан орлого дараалан төвлөрүүлсэн “Эрдэнэт үйлдвэр”-ийн үйл ажиллагаа хэвийн, жигд байна. 2020 онд 36.9 сая тонн хүдэр олборлон, 32.5 сая тонн хүдэр боловсруулан, түүхэн дээд амжилт тогтоосон баялаг бүтээгч уурхайчид 2021 онд ч энэ амжилтаа ахиулахын төлөө хичээн ажиллаж буй юм.
Covid-19 цар тахлын улмаас Монгол Улсад төдийгүй дэлхий дахинд нийгэм, эдийн засгийн нөхцөл байдал хүндэрсэн энэ цаг үед “Эрдэнэт үйлдвэр”-ийн хамт олон 2021 оны эхний аравдугаар сарын байдлаар үйлдвэрлэл, эдийн засгийн төлөвлөгөөт бүх үзүүлэлтээ 100-гаас дээш хувиар биелүүлж, улс орныхоо өмнө хүлээсэн үүргээ нэр төртэйгөөр хэрэгжүүлж байна.
Мөн Монгол Улсын Засгийн газраас цар тахлын энэ хүнд цаг үед ард түмэндээ газрын хэвлийн баялгийн үр шимийг хүртээж, айл өрх бүрийн аж амьдрал, аж ахуйн нэгж, байгууллагын үйл ажиллагааг дэмжсэн түүхэн шийдвэр гаргаснаар Монгол орныхоо 21 аймаг, 330 сум, 450 мянган аж ахуйн нэгжийн ус, дулаан цахилгааны мөнгийг он дуустал төлөхөөр шамдан ажиллаж буй юм.
“Эрдэнэт үйлдвэр” ТӨҮГ нь хоногийн 24 цагийн тасралтгүй, байнгын ажиллагаатай үйлдвэрийн газрын хувьд эмх цэгц, эв нэгдэл, ёс зүйг эрхэмлэж, технологийн горим, ажлын хариуцлага, аюулгүй ажиллагаа, сахилга дэг журам, зохион байгуулалтыг өндөр түвшинд байлган, ЗОГСОХ ЭРХГҮЙ-гээр хариуцлагатайгаар ажиллаж байна.
More from Нийгэм
ГАМШГИЙН ЭРСДЭЛИЙГ БУУРУУЛАХАД БНСУ-ЫН ҮНДЭСНИЙ АВРАХ АЛБАТАЙ ХАМТРАН АЖИЛЛАНА
Баянзүрх дүүргийн Гамшгийн эрсдэлийг бууруулах орон нутгийн зөвлөл гадаад хамтын ажиллагаагаа өргөжүүлэн тэлж БНСУ-ын Үндэсний аврах албатай хамтран ажиллахаар боллоо. …
“НОГООН ГЭРЭЛ-ЦАГААН ШУГАМ” АРГА ХЭМЖЭЭНИЙ ШИЛДГҮҮДЭД ШАГНАЛ ГАРДУУЛАХ АРГА ХЭМЖЭЭ БОЛЛОО
Баянзүрх дүүргийн Ерөнхий боловсролын сургуулийн бага ангийн сурагчдын дунд замын хөдөлгөөний дүрмийн мэдлэг олгох “Ногоон гэрэл-Цагаан шугам” тэмцээнийг зохион байгуулдаг. …
УРД ШӨНӨ ОРСОН ЦАСНААС ҮҮДЭН ХАЛТИРГАА ГУЛГАА ҮҮСЭХЭЭС СЭРГИЙЛЭН АЖИЛЛАЖ БАЙНА
Нийтийн эзэмшлийн зам талбайн цэвэрлэгээний 6 байгууллага 28 техник хэрэгсэл, 260 хүний бүрэлдэхүүнтэй бэлэн байдлыг ханган ажиллаж авто замын зорчих …
