Газрын тосны туслан гүйцэтгэгч монгол компаниуд шахалтанд орсоор байх уу

Газрын тосны салбарт Монголчуудын оролцоог нэмэгдүүлэх, цаашлаад бодлогын хүрээнд төр засгаас дэмжиж өгөх шаардлагатай байгаа талаар салбарын мэргэжилтнүүд онцолж байна.

Тухайлбал уг салбарт монгол аж ахуй нэгжүүдээс цөөхөн тооны газрууд туслан гүйцэтгэгчийн ажил явуулдаг ч, байнга ПетроЧайна Дачин Тамсаг гэх мэтийн гадаадын хөрөнгө оруулалттай компаниуд нь Монгол кoмпанийг шахдаг, тэднийг ямар нэг асуудлаар хавчиж боодог талаар бид өмнө нь мэдээлж байсан.

Тэгвэл энэ удаад Дорнод аймгийн Матад сумын 19-р талбайд туслан гүйцэтгэх ажил явуулдаг 10 гаруй монгол компанийн үйл ажиллагааг зогсоож, тог цахилгааныг нь тасалсан талаарх мэдээлэл бидэнд ирээд байна. Уг талбайд үйл ажиллагаа явуулж буй 4 хятадын кемпүүд ямар нэгэн цахилгааны хязгаарлалтгүйгээр үйл ажиллагаагаа хэвийн үргэлжлүүлсээр байгаа боловч Чойбалсан хотын цахилгаан станцаас эх үүсвэрээ авч буй тог нь Монгол компаниудад хүрч үйлчлэхгүй байна.

Одоогоор монгол кoмпaниудын үйл ажиллагаа зогссон, цахилгааныг нь тасалсан учир шалтгаан тодорхойгүй хүндхэн нөхцөл байдал үүсээд байгаа гэдгийг Дорнод аймгийн газрын тосны 19-р талбайгаас өчигдөр бидэнд мэдээллээ.

Post Views: 1,720