Архидан согтуурч төрсөн эцгийнхээ амь насыг хохироожээ

Өчигдөр 75 настай аавыгаа 37 настай хүү нь архидан согтуурч, улмаар  зодож амь насыг нь хороосон хэрэг гарчээ. 

  Тодруулбал, Багануур дүүргийн 3-р хороонд эрэгтэй хүн нас барсан байна гэсэн мэдээллийг цагдаагийн байгууллагад өгчээ. Дуудлага, мэдээллийн дагуу цагдаагийн жижүүрийн бүрэлдэхүүн хэргийн газрын үзлэгийг хийхэд Тус тоотод суух 75 настай “Р” -ыг төрсөн хүү 37 настай “О”  согтуурсан үедээ зодож, амь насыг нь хохироосон байжээ. Хэргийн газраас гэмт хэрэг үйлдэхдээ ашигласан байж болзошгүй “Стандарт” /0.5л/ архины шил, 45см урттай гурилын модон элдүүр, төмөр иштэй алхыг хураан авч битүүмжлэн мөрдөн шалгах ажиллагаа үргэлжилж байна.

Энэ мэт үйлдэгдэж байгаа гэмт хэргийн дийлэнхи хувийг архидан согтуурсан ахуйн хүрээнд үйлдэгдэж байгаа хэргүүд эзэлж байгааг цагдаагийн байгууллагаас сэрэмжлүүлж байна.