Багахангай дүүргийн МАН-ын VII бага хурал өчигдөр боллоо. Нийслэлийн МАН-ын дарга Д.Сумъяабазар дүүргүүдийг хурлаа хийж, ажлаа эрчимжүүлэн шинэчлэлийн гараагаа эхлэхийг үүрэг болгосны дагуу тус дүүргийн 111, 112-р үүр тус бүрээс сонгогдсон нийт 50 төлөөлөгч оролцохоос хурал 82 хувийн ирцтэйгээр явагдав.
Хурлын эхэнд Багахангай дүүргийн МАН-ын дарга С.Эрдэнэбаяр өнгөрсөн таван жилийн хугацаанд Багахангай дүүрэгт хийж хэрэгжүүлсэн ажлын тайлангаа болон цаашид хийж хэрэгжүүлэх ажлуудаа танилцууллаа. Тухайлбал, 2013 оноос хойш дүүргийн Онцгой байдлын хэлтэс, дүүргийн Эрүүл мэндийн төв шинэ байртай болжээ. Мөн Дэлхийн банкны санхүүжилтээр 600 сая төгрөгийн өртөг бүхий 100 хүүхэд хүлээн авах хүчин чадалтай 207 дугаар цэцэрлэгийг ашиглалтанд оруулж, 44, 183 дугаар цэцэрлэг, Хангай цогцолбор сургуулийн бага ангийг бүрэн камержуулсан байна. Энэ мэтчилэн улсын төсвийн хөрөнгөөр 10,5 тэрбум төгрөгийн 9 ажил, Нийслэлийн төсвөөс 6,4 тэрбум төгрөгийн 30 ажил , орон нутгийн хөгжлийн сангаас 6,2 тэрбум төгрөгийн 109 ажил, олон улсын зээл тусламжаар 1.5 тэрбум төгрөгийн 2 ажил, дүүргийн төсвийн хөрөнгө оруулалтаар 442 сая төгрөгийн 41 ажил хийж гүйцэтгэсэн байна.
С.Эрдэнэбаяр “Манай дүүргийн МАН шат шатны сонгуульд нэг ч удаа ялагдаж үзээгүй. Тиймээс Багахангай дүүргийн хөгжил МАН-тай салшгүй холбоотой байдаг. Тиймээс бид VII бага хурлаараа намын гишүүдтэйгээ хамтран цаашид дүүрэгтээ юу хийж бүтээх вэ гэдгээ ярилцах болно. Бид бүгдийн хийж хэрэгжүүлж байгаа ажил дүүргийн хөгжлийн илэрхийлэл байх болно” гэлээ.
Багахангай дүүрэгт 2019 онд үндэсний хэв маягийг харуулсан “Ахмадын өргөө”-г 750 сая төгрөгийн хөрөнгө оруулалтаар байгуулахаар улсын төсөвт суулгажээ. Мөн дүүргийн Цагдаагийн тасгаа хэлтэс болгон өргөжүүлж, шинэ байртай болгох, 129 айлын орон сууц байгуулах, Жижиг дунд үйлдвэрийн байрыг барих зэрэг олон бүтээн байгуулалтын ажлууд эхлүүлэх юм байна. Түүнчлэн улсын төсвөөс гадна хувийн хөрөнгө оруулалт, тусламжаар мах болон шилний үйлдвэрийг байгуулахаар төлөвлөжээ.
Дүүргийн МАН-ын VII бага хурлын үеэр хуучин хяналтын хорооныхон хийсэн ажлын тайлангаа тавьсны дараа дүүргийнхээ намын хорооны 31 гишүүн болон хяналтын хорооны 9 хүнийг нууц санал хураалтаар сонгосон юм. Намын хорооны гишүүдийн 60 хувь нь өмнө нь ажиллаж байсан, 40 хувь нь шинэ хүмүүс байхаар шинээр сонголоо.
Харин дүүргийн МАН-ын хорооны гишүүд даргаараа С.Эрдэнэбаярыг улируулан сонгосноор хурал өндөрлөлөө.
More from Нийгэм
“БАЙГАЛИА ХАМГААЛЪЯ” НЭГДСЭН АРГА ХЭМЖЭЭ ЭХЭЛЛЭЭ
Хууль бусаар ан агнах байгалийн ургамал ой мод, газрын хэвлий болон ашигт малтмалыг хууль бусаар ашиглах, ой хээргийн түймэр тавих, …
Ж.БАТБАЯСГАЛАНГ ТОКИО ХОТЫН ИТХ-ЫН ДАРГА ҮДАГАВА САТОШИ ХҮЛЭЭН АВЧ УУЛЗЛАА
Нийслэлийн иргэдийн Төлөөлөгчдийн хурлын дарга Ж.Батбаясгалан Япон улсын Токио хотын Иргэдийн Төлөөлөгчдийн хурлын дарга Үдагава Сатошигийн урилгаар Токио хотод ажлын …
ЧИНГЭЛТЭЙ ДҮҮРГИЙН ЗАРИМ ХОРООНЫ ХИЛИЙН ЗААГТ ӨӨРЧЛӨЛТ ОРУУЛАВ
Нийслэлийн ИТХ-ын ээлжит бус XVIII хуралдаан өнөөдөр болж байна. Хуралдааны эхэнд “Шинээр байгуулагдсан хороодын нутаг дэвсгэрийн заагийг тогтоох” тогтоолын төслийн …
2 Comments
285497 808051Beging with the entire wales well before just about any planking. Our own wales can easily compilation of calculated forums those thickness analysts could be the similar to some with the shell planking along with a lot more significant damage so that they project following dark planking. planking 205062
911538 514472Cool post thanks! We feel your articles are great and hope a lot more soon. We really like anything to do with word games/word play. 800481